• Qullaawu Maxaafi Maganu Soyinonke Sokkaati
    Hegerera Hagiidhitanni Heeꞌra Dandaatto!—Qullaawa Maxaafa Xiinxalli

    • 1. Qullaawa Maxaafa mannu borreessinoha ikkina, Maganu Qaaleeti yineemmohu mayiraati?

      Qullaawa Maxaafa mito 40 ikkanno manni borreessino; borreessine gundoonnihu 1513 K.A. kayise 98 M.D. geeshsha 1,600 diro meddi yitanno yanna giddooti. Qullaawa Maxaafa borreessino manni lophino garinna heeꞌrino heeshsho lowo geeshsha babbaxxitinote. Ikkirono, Qullaawu Maxaafi isi isiniiwa sumuu yaanno. Kuni ikkinohu mayiraati? Qullaawu Maxaafi Maganu Qaale ikkino daafiraati. (1 Teselonqe 2:13 nabbawi.) Qullaawa Maxaafa borreessi manni uminsa hedo diborreessino. Hatteentenni “Qullaawu Ayyaani massagino manni Maganuwiinni adhe coyiꞌrino.”a (2 Pheexiroosi 1:21) Maganu, mannu isi hedo borreessanno gede qullaawu ayyaanisinni massagino woy kakkayisino.—2 Ximootewoosi 3:16.

  • Yihowa Hiittoo Maganooti?
    Hegerera Hagiidhitanni Heeꞌra Dandaatto!—Qullaawa Maxaafa Xiinxalli

    • 4. Qullaawu ayyaani Maganu wolqaati

      Misilla: Maganu qullaawu ayyaanisinni loosinore. 1. Pilaaneettanna kalqe. 2. Mittu Qullaawu Maxaafi borreessaanchi Maganu ayyaanunni kulinosi hedo maxaafu xaaxo aana borreessanni no.

      Ninke mitore loosate anganke horoonsiꞌneemmo gede, Yihowa loososi loosate qullaawa ayyaanasi horoonsiꞌranno. Qullaawu Maxaafi, qullaawu ayyaani umisi biso afiꞌrino yee dirosiisanno; hatteentenni Maganu loosisira horoonsiꞌranno wolqa ikkinota kulanno. Luqaasi 11:13 nna Soqqamaasinete Looso 2:17 nabbabbe; hakkiinni aante noo xaꞌmuwa hasaabbe:

      • Maganu huuccidhannorira qullaawa ayyaanasi ‘dunanno.’ Hatto ikkiro, qullaawu ayyaani umisi ayimma noosihonso, Maganu wolqaati? Hatto yoottohu mayiraati?

      Yihowa qullaawu ayyaanisinni dhaggete coye assanno. Iyyoobi 33:4 nna 2 Pheexiroosi 1:20, 21 nabbabbe; hakkiinni aante noo xaꞌmo hasaabbe:

      • Yihowa qullaawa ayyaanasi horoonsiꞌrino doogga giddo mite hiikkuriiti?

      Misilla: Maganu qullaawu ayyaanisinni loosinore. 1. Pilaaneettanna kalqe. 2. Mittu Qullaawu Maxaafi borreessaanchi Maganu ayyaanunni kulinosi hedo maxaafu xaaxo aana borreessanni no.