XAꞌMO 2
Maganu daafira rosa dandiineemmohu hiittoonniiti?
“Kuni Higgete maxaafi afiikkinni hoꞌloonke; giddosi borreessaminore baalankare seekkite harunsa dandaatto gede, iso barranna hashsha suutunni nabbawi; hatto assittoro, doogokki qinaabbanno hattono assattore hayyotenni assatto.”
Iyyaasu 1:8
“Halaalaanchu Magani Higge amadino maxaafa qoonqonsa gotti assite nabbabbu; qolteno yaannore xawissenna tittirte kultu; konni garinni gosa nabbambanni coye huwattanno gede kaaꞌlitu.”
Nehimiya 8:8
“Bushuullu amaale harunsannokki manchi hagiirraamoho . . . , isira tashshi yaannosihu Yihowa higgenniiti; Higgesino barrano hashshano suutunni nabbawanno. . . . Assannori baalunkurino qinaannosi.”
Faarso 1:1-3
“Filiphoosi saragallaho qoteho dodanni Isayyaasi maxaafa huurosi gotti asse nabbawanna macciishshe togo yiisi: ‘Nabbabbanni noottori leellannohe?’ Isino qole, ‘Kulannoehu nookkiha mamiinni leellannoe?’ yii.”
“Illete leeltannokki akattasi yaano hegeri wolqasinna Maganimmasi alame kalaqantunku jammarte xabbe leeltanno; korkaatuno akattasi kalaqamino coyinni wodancha dandiinanni; hakko daafira korkaata assite kultannori dinonsa.”
“Lophokki manna baalaho xabbe leeltanno gede kuri coyibba hiinci, hattono woꞌmunni woꞌma kuri coyibba aana illachishi.”
“Baxillehonna danchu loosira kakkaꞌꞌa dandiineemmo gede mimmito towaaxxino; qoleno mitteenni gamba yaa lashshi assinoonke.”
“Kiꞌne mereero hayyo ajjinosihu heeꞌriro, Magano marro marro hige huucciꞌro; korkaatuno Maganu mishikkinni baalunkura shaqqillunni aanno, isirano uyinannisi.”