Halaale Rosiisi

Wocawaaru aganinni hanafe Kiristaanu Heeshshonna Soqqansho Xiinxallote Maxaafichora “Halaale Rosiisi” yaanno birxicho afiꞌrinohu haaru hasaawu bitimi fulanno. Mixonke xaꞌmonna qummeeshsha horoonsiꞌne mannaho Qullaawu Maxaafi halaale kulate.

Hasaawinsoommo manchira hasatto noosita anfummoro, borro woy woy jw.org aana fultinota mitte viidiyo leellinshe wole wote hasaawinseemmo wotira hasattosi lexxitanno gede assa dandiineemmo. Hasaawinsoommo manchi hasatto lexxitanno gede mulenni marre hasaawisate woꞌnaala hasiissannonke. Haaru hasaawu bitiminna rosaanote kifilla Qullaawu Maxaafinni Maa Ronseemmo? yaanno maxaafihu fooliishshote xaphishshi aana xintantinote. Konni xaphishshira galagalle marre hasaawisate woy Qullaawa Maxaafa calla horoonsiꞌne xiinxallo hanafisiisate kaaꞌlitannonketi ledote xaꞌmonna qummeeshshuwa no.

Heeshshonniwa massitanno doogo mitte callate. (Mt 7:13, 14) Addi addi ammaꞌno harunsannoha duuchu gari manna hasaawinseemmo daafira, Qullaawu Maxaafi halaale mitto mittonka mancho baxisanno garinni kula hasiissannonke. (1Xi 2:4) Mannu ledo addi addita Qullaawu Maxaafi hajo kayinse hasaawate fullankoommore ikkinummoro, hattono ‘halaalu qaale taashshe coyiꞌrate’ dandoonke woyyeessiꞌnummoro, hagiirrinke lexxanno hattono mannaho halaale rosiinse guma afiꞌra dandiineemmo.—2Xi 2:15.