“Umo Baattote Heeꞌranno Manni Baalunku Coyiꞌrannohu Qaalu Mitto Callaho”

11:1-4, 6-9

Baabeeli gimbe yannara, Yihowa qaalensa burduuqe hajajamannokki manna billaallisino. Xaa yannara Yihowa, baalunku ‘mitteenni soqqantannosi’ gede, “xalala qaale” oye lowo daga addi addi gaꞌrenninna addi addi afoo coyiꞌranno manni baalu giddonni gamba assanni no. (So 3:9, NW; Aj 7:9) Kuni ‘xalalu qaali’ Qullaawa Borro giddo nooho Yihowanna isi hedinori daafira kulanno halaaleeti.

Haaro afoo rosate haaro qaalla qaagatenni sainore assa hasiissanno. Tenne assate haaru garinni heda rosa hasiissanno. Hatteente gede, halaalunniha xalala qaale ronsummo kiiro hendeemmo garino soorramanno. (Ro 12:2) Konne qaale agurrummokkinni rosa, Maganu manni mereero mittimma heedhanno gede assitanno.—1Qo 1:10.