Kiristaanu Heeshshonna Soqqanshote Xiinxallote Maxaafichora Qummi Assinoonni Borro
BADHEESSA 7-13
MAGANU QAALI GIDDO NOOTA MUXXE JIRO | 1 SAAMUEELI 12-13
“Booꞌna Shollinye Abbitanno”
w17 1/15 17 guf. 1
Dhukanke Anfe Heeꞌra Hasiissannohu Mayiraati?
Moote Saaooli hundi Israeelera moohi yannara dhukasi afinohonna ayirrado manchooti. (1 Sam. 9:1, 2, 21; 10:20-24) Ikkollana, moote ikki kawa booꞌnaleessa ikkinota leellishannoha haammata coye assino. Maganu masaalaanchi Saamueeli dinye amadino yannara Galgala daa keeshshita, Saaooli cinca hoogino. Hatte yannara Filisxeeme olaho qixxaabbanni no; Israeeleno Saaooli agurte xooqa hanaffino. Tennera isi, ‘Rahe mitore assa hasiissannoe’ yee hedikki digatino. Konni daafira, Saaooli Maganoho kakkalo kakkali; kayinni isira togo assate qoosso dinosi. Tennera Yihowa dihagiidhino.—1 Sam. 13:5-9.
w17 1/15 17 guf. 2
Dhukanke Anfe Heeꞌra Hasiissannohu Mayiraati?
2 Saamueeli Galgala mariti Saaooli seejjinosi. Saaooli kayinni seejjo adha agure kakkalo kakkalinohu mayiraatiro xawisate woꞌnaalino; isi loosino loosira bushu iso ikkinokkita hattono assinori shota ikkinohu gede asse coyiꞌrino. (1 Sam. 13:10-14) Hatte yannanni kayise, Saaooli haammata gara ikkinokki coye assino; tini mootumma hooganno gede calla ikkikkinni Yihowa dadillisanno gede assitinosi. (1 Sam. 15:22, 23) Saaooli umi adda assiꞌra assiꞌre kaenni, gedensoonni abbe huꞌnino.—1 Sam. 31:1-6.
Maganu Qaalinni Ronseemmore
w11 7/15 13 guf. 15
Yihowa Baxillunni Aanno Biddishsha Harunsitinanni?
15 Konni mannira, mannu gashshooti Yihowanni roore addaxxinanniha lawinonsa ikka? Hatto ikkiro, insa addanka haafa coye harunsitanni no! Tini qolte batinye Sheexaanu totao harunsitanno gede assitannonsa. Gashshitannonsa mootoolla kaphu maganna magansidhanno gede assitansara dandiitanno. Kaphu maganna magansidhannori, illetenni leeltannoti haqqunni woy kinnatenni seekkinoonni maganna baalankare kalaqinohu illete leellannokki Magani Yihowanni roore addaxxinannireeti yite hedde sodhanno. Ikkollana soqqamaasinchu Phaawuloosi yiinonte gede, kaphu maganna ‘haafareeti.’ (1 Qor. 8:4) Insa laꞌꞌa, macciishsha, coyira woy mitore assa didandiitanno. Kaphu maganna laꞌꞌanna kisa dandiinanni; kayinni insa magansiꞌra gawajjannoha haafa coye harunsate.—Far. 115:4-8.
BADHEESSA 14-20
MAGANU QAALI GIDDO NOOTA MUXXE JIRO | 1 SAAMUEELI 14-15
“Hajajama Kakkalo Roortanno”
w07 6/15 26 guf. 4
Yihowa Hajajammannita Baxanno
4 Yihowa Kalaqaancho ikkino daafira, noonkehu maalaamittete coyi baalu isiho. Ikkina isira aa dandiineemmo coyi no? Ee lowo geeshsha muxxe ikkino coye aa dandiineemmo. Kuni coyi maati? Aante noo amaale tenne xaꞌmora dawaro afiꞌneemmo gede kaaꞌlitannonke: “Beettoꞌya, xontannoerira dawaro qola dandeemmo gede, egennaamo ikki; aneno hagiirsiisie.” (Lawishsha 27:11) Maganoho aa dandiineemmo coyi, isira hajajamate. Heeshshonke garinna lophinoommo gari babbaxxinoha ikkirono, Maganoho hajajamme Sheexaanu Daawuloosi mannu ooso qarru iillinsaro Maganoho ammanante diheedhanno yee kaphino kaphira dawaro qola dandiineemmo. Tini ninkera lowo ayirrinyeeti!
w20 11/15 20 guf. 4, 5
Maganu Qaali Giddo Noo Amaale Macciishshi
4 Moote Saaooli lawishshi umo heeshshi assa hooga mayi qarra abbitannoro leellishanno. Saaooli naaxxaleessa ikkino daafira, hedoꞌyanna assooteꞌya biddi assiꞌra hasiissannoe yee dihedino. (Far. 36:1, 2; Imb. 2:4) Lawishshaho, Saaooli Amaaleqoota qeelihu gedensaanni, Yihowa maa assa hasiissannosiro bade kulisi woyite hajajama giwasi tenne leellishshanno. Masaalaanchu Saamueeli, Saaooli Yihowara hajajama giwinota kulisi woyite, Saaooli soꞌrosi ammana giwino. Hatteentenni isi hajajama hoogasi hakkeeshshi geeshsha qarra abbitannokkihu gede asse hede, assootesi gara lawisate woꞌnaalino; qoleno wolootaho worino. (1 Sam. 15:13-24) Saaooli hakkuyira albaannino hatto assino. (1 Sam. 13:10-14) Isi wodanisi booꞌnaleessa ikkanno gede assiꞌrasi dadillissannote. Saaooli hedosi biddi assiꞌrinokki daafira Yihowa rufinosi; hattono moote ikkannota giwinosi.
5 Saaooli lawishshinni roso afiꞌrate ninkeneeto togo yine xaꞌma hasiissannonke: ‘Maganu Qaali giddo noo amaale nabbaweemmo woyite, tenne amaale macciishsha giweemmo? Assoommori hakkeeshshi geeshsha soꞌro diꞌꞌikkino yee hedeemmo? Assoommore wolootaho woreemmo?’ Kuri xaꞌmuwa giddo mittete nafa ee yine qolleemmoha ikkiro, hedonkenna laonke biddi assiꞌrate sharrama hasiissannonke. Hatto assa hoongummoro wodaninke booꞌnaleessa ikkanno daafira, Yihowa jaallasi ikkineemmota giwanno.—Yai. 4:6.
Maganu Qaalinni Ronseemmore
it-1 493
Marara
Maganu fajjo ledo sumuu yaannokki garinni mararro leellinsheemmo gede xixxiimbaninketera qeelama lowo qarra abbitanno. Moote Saaoolira iillinori tenne leellishanno. Yihowa Amaaleqoota hunanno yanna daggino; insa Israeele Gibitsenni fultuhu gedensaanni, assitinori nookkiha Israeele qasate fultinoreeti umi dagaati. Saaooli insa mararannokki gede hajanjoonnisi. Ikkollana isi mannisi yiinota macciishshe Yihowara woꞌmunni woꞌma hajajamikki gatino. Hakko daafira, Yihowa Saaooli moote ikkannota giwino. (1Sa 15:2-24) Mittu manchi keeraancho ikkitinota Yihowa doogo albinni roore naadannohanna baalunkurinni roore isira ammanamannoha ikkiro, tini Saaooli loosino gedee soꞌro loose Magano dadillisannokki gede agartannosi.
BADHEESSA 21-27
MAGANU QAALI GIDDO NOOTA MUXXE JIRO | 1 SAAMUEELI 16-17
‘Olu Yihowaho’
wp16.5 11 guf. 2-3
‘Olu Yihowaho’
Daawiti, doobbichunna dibi yinanni moyichi ledo garaaminota kule Saaooli ammansiisino. Daawiti tenne kulinohu booꞌnate yeetini? Deeꞌni. Daawiti moyichu ledo gaarami woyite qeelanno gede kaaꞌlinosihu ayetiro afino. Isi togo yiino: “Doobbiichu kottenninna wolu moyichi keltinni gatisinoehu Kaaliiqi xaano kunni Filisxeemichi anganni gatisannoe.” Jeefote Saaoolino, “Maahoyye, Kaaliiqi ledokki heeꞌrona marixa” yiisi.”—1 Saamueeli 17:37.
Daawitite gedee ammana heedhahera hasiꞌratto? Daawiti Magano ammaninohu mulla kae diꞌꞌikkino. Isi Magano ammaninohu iso seekke egenninonna kaaꞌlinosi gara afino daafiraati. Isi Yihowa mannasi agarannotanna eino qaale wonshannoha ikkinota afino. Ninkeno togoo ammana heedhankera hasiꞌnummoro, Qullaawu Maxaafi giddo kulloonni Magani daafira rosa hasiissannonke. Ronsoommo rosi garinni heeꞌneemmoha ikkiro, ninkeno ammananke kaajjishiꞌneemmo.—Ibiraawoota 11:1.
wp16.5 11-12
‘Olu Yihowaho’
Daawiti Goliyaadira qolino dawaro xaa geeshsha ammanate kaajja lawishsha assine kullannite. Hanni kuni wedellichi Goliyaadi togo yaanna hendo: “Ati bise, urdenna habbarra adhite daattoena, ani kayinni ati qoxxisittohunni, Israeelete olanto Magano ikkinohunni, Woꞌmanka Dandaanno Kaaliiqi suꞌminni dayemmohe.” Daawiti mannu wolqanna olu uduunni kaaꞌlannori nookkita afino. Goliyaadi Magano Yihowa mishino daafira tennera dawaro qolannohu Yihowaati. Daawiti yiinonte gede, ‘Olu Yihowaho.’—1 Saamueeli 17:45-47.
Daawiti Goliyaadi jigeessa ikkinotanna qodhinoha olu uduunne laino. Ikkirono Daawiti tenne lae diwaajjino. Qoleno isi Saaoolinna olantosi loossino soꞌro diloosino. Daawiti isonooto Goliyaadi ledo diheewisiisino. Hatteentenni isi Goliyaadi heewisiisinohu Yihowa ledooti. Hojja lame naxiwe honse meetire ikkannohu Goliyaadi wolu manni ledo heewisiinsiro, ilaalu geeshshiho; kayinni Woꞌmanka Dandaanno Magani ledo heewisiinsiro isi mageeshshiho? Addanko isi wolu manninte gede Yihowa hendiro, koroꞌmiisu geeshshiho; hakko daafira Yihowa iso shaa dandaanno!
wp16.5 12 guf. 4
‘Olu Yihowaho’
Xaa yannara Maganu soqqamaano ola diolantanno. Hatti yanna saꞌino. (Maatewoosi 26:52) Ikkirono ammanatenni Daawiti faale haꞌra hasiissannonke. Ninkeno Daawiti gede Yihowa xawe leellannonke gede assiꞌra hasiissannonke; hattono iso calla magansiꞌranna waajja hasiissannonke. Mito woyite iillannonke qarri jawa lawankera dandaanno; kayinni taalle nookkite Yihowa wolqa ledo heewisiinsiro lowo geeshsha shiimaho. Ninkeno, Yihowa Maganonke assiꞌne doodhineemmohanna Daawiti gede iso addaxxineemmoha ikkiro, aye fonqolo woy qarra diwaajjineemmo. Yihowa wolqara aleenni ikkannohu mittu coyino dino!
Maganu Qaalinni Ronseemmore
it-2 871-872
Saaooli
Kuni coyi ikkihu gedensaanninna Daawiti albillitte Israeelete moote ikkanno gede buurrihu gedensaanni, Yihowa ayyaani Saaooliwiinni xeertiꞌrino. Hatte yannanni hanafe, ‘Kaaliiqi soyinohu bushu ayyaani Saaooli qarrisa’ hanafino. Yihowa Saaooliwiinni ayyaanasi haaꞌre hoole bushu ayyaani amadannosi gede fajjino; kuni bushu ayyaani Saaooli giddoyidi keere hooganno gedenna bushare hedanno gede assinosi. Saaooli Maganoho hajajama giwasi surresinna wodanisi bushu coyiwa hige dooinota leellishshanno; qoleno Saaoolira tenne dooꞌꞌo gargadhanno gede woy hooꞌlanno gede kaaꞌlannosihu Maganu ayyaani dinosi. Yihowa ayyaanasi Saaooliwiinni hoole bushu ayyaani qarrisannosi gede fajjino daafira, ‘Maganu soyinohu bushu ayyaani’ yaa dandiinanni; Saaooli soqqamaasine konne busha ayyaana, “Maganu soyinohu bushu ayyaani” yitinohu iseraati. Saaooli soqqamaano giddo mittu amaaleennasi, Saaooli “bushu ayyaani” qarrisannosi woyite, muuziiqa ganannosi gede Daawiti woshshe abbisiisiꞌrino.—1Sa 16:14-23; 17:15.
BADHEESSA 28–DOTTEESSA 3
MAGANU QAALI GIDDO NOOTA MUXXE JIRO | 1 SAAMUEELI 18-19
“Qinaannoꞌne Woyite Umoꞌne Heeshshi Assa Agurtinoonte”
w04 4/1 15 guf. 4
Heeshshoꞌne Gari Soorramanno Woyite Kaaꞌlannoꞌne Gede Maganu Ayyaana Addaxxe
4 Kuni geꞌreewo allaalanno beetti muli yannara maccaha ikkaraati. Iso mootete soqqamaranna muuziiqa ganasira woshshinoonnisi. Isi olaho fullakkinori Israeelete olanto nafa waajjitinoha jigeessa olamaancho Goliyaadi shiino. Daawiti olantote hajajaancho ikkihu gedensaanni, Filisxeeme qeelino. Iso mannu baxinosi. Qoleno iso geewotenni guwisinosi. Hakkuyira albaanni, Daawiti daafira coyiꞌrinohu Moote Saaooli soqqamaanchi, Daawiti “Bagana seekke ganannoho yiinoha calla ikkikkinni, “bareedahonna bagadaanchoho, biifadohonna coye egenninoho, Kaaliiqino ledo noosiho” yiino.—1 Saamueeli 16:18; 17:23, 24, 45-51; 18:5-7.
Yihowara Soqqantannorinna Soqqantannokkiri Mereero Noo Badooshshe Wodanche
6 Mitu manni naaxxannohu xumanna maccaha ikkino daafira, muuziiqa dandaannohura, wolqa afiꞌrinohura woy silxaane noonsahura ikkara dandaanno. Daawitira kuri coyibba baala noosiha ikkirono, isi heeshshosi diro woꞌma umosi heeshshi asse heeꞌrino. Isi Goliyaadi shiino daafira Moote Saaooli beetto uyinisita Daawiti togo yiino: “Mootete beetto adheemmohu ani ayeti? Ayiddiꞌyano Israeelete giddo dianfiho?” (1 Sam. 18:18) Daawiti umosi heeshshi assanno gede kaaꞌlinosiri maati? Daawiti tenne akatta, dandoonna qoosso afiꞌrinohu Yihowa iso kaaꞌlate umosi heeshshi assinohura ikkinota huwatino. (Far. 113:5-8) Daawiti afiꞌrinoha dancha coye baala uyinosihu Yihowa ikkinota afino.—1 Qorontoosi 4:7te ledo heewisiisi.
7 Yannankerano Yihowa soqqamaano Daawiti gede umonsa heeshshi assitanno. Yihowa kalqete alame giddo baalunkunni Rooriidiha ikkirono, umosi heeshshi assannota afanke dhagge ikkitannonke. (Far. 18:35) Qullaawu Maxaafi togo yee amaalannonke: “Mararro, joongille, shaqqille, shooshanqenna cinca, uddanote gede assitine uddidhe.” (Qol. 3:12) Qoleno “baxillu dinaaxxanno,” hattono “dibooꞌnanno.” (1 Qor. 13:4) Umonke heeshshi assineemmoha ikkiro, mannu Yihowawa shiqara dandaanno. Minaannuwu minaamuwinsa akatinni soorramara dandaannonte gede, ninke umonke heeshshi assineemmoha ikkiro, wolootu Yihowawa shiqqara dandiitanno.—1 Phe. 3:1.
Maganu Qaalinni Ronseemmore
it-2 695-696
Masaalaancho
Masaalaano Yihowa ayyaaninni shoomantannoha ikkirono, woꞌmanka woyite ayyaanu massagannansa coyidhanno yaa diꞌꞌikkino. Hatteentenni mito woyite Maganu ayyaani ‘aanansa dirre’ coyidhanno sokka kulannonsa. (Hi 11:4, 5; Mi 3:8) Kuni ayyaani Maganu sokka coyidhanno gede kakkayisannonsa. (1Sa 10:10; Er 20:9; Am 3:8) Masaalaano rosaminokkire assitannoha calla ikkikkinni, coyidhannonna ikkitanno gari baxxino gara ikkinoti dihuluullissannote; hattono iibbado giddonni coyidhannoha ikkikki digatino. Mito manna ‘masaalaanote gede assinonsa’ yinoonnihu mittu korkaati konne ikkara dandaanno. (1Sa 10:6-11; 19:20-24; Er 29:24-32, NW; Soq 2:4, 12-17; 6:15; 7:55 ledo heewisiisi.) Insa woꞌmunni woꞌma loosonsa illachishshe, hattono diinaggaabbe worbimmatenni sokkansa kultanno woyite, ikkitonsa gari mannaho wosincho coye lawansara wole agurina wodana fayyitinokkiha lawansara dandaanno; Iyu buurara dayino masaalaancho olantote hajajaano, kuni macharaaraami yitino. Ikkirono olantote hajajaano manchu masaalaancho ikkinota wodanchituti, kulino sokka ammante adhitino. (2Mo 9:1-13; Soq 26:24, 25 ledo heewisiisi.) Saaooli Daawiti shorranni noo yannara, ‘masaalaanchu gede ikkino;’ isi uddanosi mulqiꞌre “hashshanna barra woꞌma mullichu goxe keeshshi”; hatte yannara Daawiti isiwiinni xooqe gatinoti dihuluullissannote. (1Sa 19:18–20:1) Hatto yaa kayinni masaalaano duuchanka woyite mullootu hadhanno yaa diꞌꞌikkino; Qullaawu Maxaafi kulannori konninni baxxinoreeti. Wole lame baserano masaalaano uddano fushshidhe mullootu hadhinota kulloonni; kayinni insa uddano fushshidhinohu mulla ikkikkinni, kultanno masaalo ledo xaadooshshe afiꞌrinore leellishateeti. (Is 20:2-4; Mi 1:8-11) Qullaawu Maxaafi Saaooli mullichu goxinohu mayiraatiro dikulanno; isi hatto ikkasi, mootimmate uddanosi mulqantinota, Yihowa silxaane woy wolqa hendiro isi gariha ikkinokkita woy wolere leellishshannota ikkitara dandiitanno.
SOQQANSHOTE DANDOOKKI WOYYEESSIꞌRI
km 1/03 1
Umonke Heeshshi Assine Loosa Hasiissanno Looso
Maganu Qaali, “Jooguulle ikke. . . Bunshe bunshetenni, xonono xonotenni qoltinoonte. . . . Hakko garinni maasso” ragidhinanni yee amaalannonke. (1 Phe. 3:8, 9) Tini amaale sabbankeemmo woyiteno kaaꞌlitannonkete. Soqqammeemmo woyite umonke heeshshi assa qarra ikkitannonke gede assannori iillannonketi dihuluullissannote.
2 Umonke heeshshi assa caacceessannore dandiine saꞌneemmo gede kaaꞌlitannonke. Sabbankeemmo woyite mitu manni ayirrinye xeinore coyiꞌrannota anfoommoha ikkirono, egenninoommokki manna marre hasaawinseemmo. Tenne dandiine agurrummokkinni sabbakate umonke heeshshi assineemmore ikka hasiissannonke. Mittu qarrisannohu soqqanshote qoqqowira lame suwisaano roduuwi, mannu macciishsha giwinsarono, lame diro woꞌma barru baala minunni mine haꞌre sabbakkino! Ikkollana insa hexxo mudhe agurikkinni sabbakino daafira xa hakko qooxeessira lame songo no.
3 Mannu ayirrinye bainore coyiꞌranno woyite cincine saꞌꞌa: Umo heeshshi assanke mannu gara ikkinokkire woy ayirrinye xeinore coyiꞌranno woyite Yesuusi lawishsha harunsate kaaꞌlitannonke. (1 Phe. 2:21-23) Mitte rodoo sabbakkanni minunni mine hadhinowa umo minaama xontinose; hakkiinni minaanni xone kae hoowetenni rakke fultanno gede kulinose. Hakkiinni rodoo muushshi yite wole yannara dagge hasaawissannonsata kultinonsa. Kuri minaanninna minaama rodoo assitinori dhagge ikkinonsa daafira, wole yannara mitte Yihowa Farciꞌraasincho dagge hasaawissunsata macciishshino hattono gambooshsheho koyissunsata maahoyye yiino. Kuri minaanninna minaama gambooshshe marinowa umo insa xonino rodoo dagge keere haadhinonsa hattono ledde farcidhinonsa. Ninkeno manna ‘shaqqillunninna ayirrinyunni’ hasaawinseemmoha ikkiro, sabbankeemmota giwanno manni sokkanke macciishshara dandaanno.—1 Phe. 3:15, NW; Law. 25:15.
4 Manna mishshinoonte: Qullaawu Maxaafi egenno noonke daafira, manna woffi assine laꞌꞌa woy ayirrinseemmonsakkita leellishanno garinni hasaawisa dihasiissannonke. (Yoh. 7:49) Hatteentenni Maganu Qaali, ‘ayirano busha coyiꞌneemmokki’ gede amaalannonke. (Tit. 3:2) Ninkeno Yesuusi gede shaqqadda ikkinummoro mannu fooliishsho afiꞌranno gede assa dandiineemmo. (Mat. 11:28, 29) Shaqqillunni hasaawinseemmoha ikkiro mannu kulleemmo sokka roore macciishshara dandaanno.
5 Ee, umonke heeshshi assa qarrisannohu soqqanshote qoqqowira agurrummokkinni sabbakate kaaꞌlitannonke. Tini giwannonke manni wodana shaqqishsharanna wolootu Maganu Mangiste sokka macciishshitanno gede assitara dandiitanno. Wolu baalunkunni roore tini, “jooguulleho . . . elto aanno” Magani Yihowa hagiidhanno gede assitanno.—1 Phe. 5:5.
DOTTEESSA 4-10
MAGANU QAALI GIDDO NOOTA MUXXE JIRO | 1 SAAMUEELI 20-22
“Dancha Jaala Ikka Dandiinanni Gara”
Goofimarchu Barri Dayikkinni Roduuwiꞌne Ledo Nooꞌne Jaalooma Kaajjishidhe
18 Xaa yannara roduuwinkera addi addi qarri iillanni noonsa. Lawishshaho, batinye roduuwanke kalaqamu danonna mannu kalaqanno dano gawajjitannonsa. Ninke giddo gamu togoo qarri iillinonsa roduuwa mininkera haaꞌra dandiineemmoha ikkara dandaanno. Wolootu kayinni woxunni kaaꞌla dandiineemmo. Kayinni baalunku Yihowa roduuwanke kaaꞌlannonsa gede huucca dandiineemmo. Rodiinke hexxo mudhinota anfummoro, mayineemmoro woy maa assineemmoro afa hoongammora dandiineemmo. Ikkirono, baalunku roduuwanke duucha doogganni kaaꞌla dandiineemmo. Lawishshaho, jaallanke ledo yanna sayinsammora dandiineemmo. Hasaaphitanno woyite mararrotenni macciishsha dandiineemmo. Qoleno baxisannonkeha sheshifachishanno qummeeshsha nabbambammosira dandiineemmo. (Isa. 50:4) Roore hasiisanno coyi, jaallankera ninke kaaꞌlo hasiissannonsa woyite mulinsanni fafa hoogate.—Lawishsha 17:17 nabbawi.
w08 2/15 8 guf. 7
Yihowa Doogo Haꞌri
7 Maganu addaxxinanni jaalla ikkinammora hasiꞌranno. (Law. 17:17) Moote Saaooli beetti Yoonaataani Daawitira jaala ikkino. Yoonaataani, Daawiti Goliyaadi shiinota macciishshiti, Daawiti “ledo lamunku lubbote jaalla ikkitu; Yoonaataanino lowo geeshsha baxisi.” (1 Sam. 18:1, 3) Yoonaataani, Saaooli Daawiti shaasira hasiꞌranni noota nafa kule qorowisiisinosi. Daawiti xooqihu gedensaanni Yoonaataani isi ledo xaade qaalu gondooro eino. Yoonaataani Daawitire kayise Saaooli hasaawisa, heeshshosi hooganno gede assitara dandiitanno; kayinni insa galagalte mitteenni xaaddino hattono jaaloomansa kaajjishidhino. (1 Sam. 20:24-41) Insa jeefote xaaddu woyite, Yoonaataani Daawiti ‘Magano seekke addaxxanno gede kule’ jawaachishinosi.—1 Sam. 23:16-18.
w09 10/15 19 guf. 11
Baxillu Nookki Alamera Jaalla Kalaqiꞌra
11 Ammanantinoonnire ikke. Salamooni, “Jaalu woꞌmanka woyite jaalaholla; roduuno qarru barra iillanno” yee borreessino. (Law. 17:17) Salamooni tenne hedo borreessinohu, annisi Daawiti Yoonaataani ledo kalaqiꞌrino jaalooma qaage ikkara dandaanno. (1 Sam. 18:1) Moote Saaooli Israeelete moote beettisi Yoonaataani ikkara hasiꞌrino. Kayinni Yoonaataani Yihowa tennera doorinohu Daawiti ikkinota afino. Yoonaataani, Saaooli gede Daawiti dihinaasino. Qoleno isi Daawiti guwinsoonni daafira dicaaccaawino woy Saaooli Daawiti daafira kulinoha kaphu duduwo diammanino. (1 Sam. 20:24-34) Ninke Yoonaataani gedeereeti? Jaallanke mite qoosso afidhuro insa ledo hagiidhineemmo? Insara qarru iillannonsa woyite sheshifachinsheemmonsa? Hattono irkinsiꞌneemmonsa? Jaalanke heꞌminanna macciishshineemmo woyite coye buunxummokki ammanneemmonso Yoonaataani gede ammanamme jaalinkera golammeemmo?
Maganu Qaalinni Ronseemmore
w05 3/15 24 guf. 4
Umi Saamueeli Maxaafita Luphi Yitino Hedo
21:12, 13. Yihowa iillannonke qarra tirate noonke dandoo horoonsiꞌnammora hasiꞌranno. Isi wodancha, egennonna hedate dandoo afiꞌneemmo gede kaaꞌlannonkeha qullaawu ayyaaninni borreessinoonniha Qaalesi uyinonke. (Lawishsha 1:4) Qoleno shoomantinori songote cimeeyyeno kaaꞌlitannonke.
DOTTEESSA 18-24
MAGANU QAALI GIDDO NOOTA MUXXE JIRO | 1 SAAMUEELI 23-24
“Yihowa Cincitine Agadhe”
w04 4/1 16 guf. 8
Heeshshoꞌne Gari Soorramanno Woyite Kaaꞌlannoꞌne Gede Maganu Ayyaana Addaxxe
8 Daawiti Saaooli gawajja dihasiꞌrino. Isi ammana noosihanna cincannoha ikkino daafira coye Yihowa biddi assannota addaxxino. Moote godu giddonni fulihu gedensaanni, Daawiti iso woshshe togo yiino: “Kunni coyira bushu ayetiro Kaaliiqi yoo. Assoottoe bushara Kaaliiqi rabbiso ikkinnina, angaꞌyanni ate dikiseemmo.” (1 Saamueeli 24:12) Daawiti Saaooli ikkito gara ikkitinokkita afinoha ikkirono iso dirabbisiꞌrino; qoleno Saaooli dixonino woy isi daafira gara ikkinokkire dicoyiꞌrino. Duucha hige Daawiti, Saaooli rabbisiꞌrannokki gede qorophino. Isi coye Yihowa biddi assannota addaxxino.—1 Saamueeli 25:32-34; 26:10, 11.
Maganu Qaalinni Ronseemmore
Mittu Coyino Baꞌraarsha Adhitinannikki Gede Guficho Ikkoonkeꞌne
11 Giddonke baxillunna shaqqillu heeꞌriro, woloota dihinaanseemmo. Maganu Qaali “Baxillu cincanno; baxillu elanno; baxillu dihinaasanno” yaanno. (1 Qor. 13:4) Giddonke hinaaso rumuxxitannokki gede, Maganoho noosi gedee lao heedhannonke gede assiꞌra hasiissannonke; roduuwinke ledo mittu bisi kifilla yaano mitte songo miilla ikkinoommohu gede assine heda hasiissannonke. Qullaawu Maxaafi “Mittu bisi ayirrinye afiꞌriro, wolu bisi qole hattennenni hagiidhanno” yaanno. (1 Qor. 12:16-18, 26) Konni daafira, roduuwinke danchare afidhuro hinaasa agurre, insa ledo hagiidha hasiissannonke. Moote Saaooli beetti Yoonaataani lawishsha heda dandiineemmo. Yoonaataani, Daawiti moote ikke shoomamino daafira dihinaasino. Hatteentenni isi Daawiti jawaachishino. (1 Sam. 23:16-18) Ninkeno Yoonaataani gede shaqqillenna baxille leellisha dandiineemmo?
SOQQANSHOTE DANDOOKKI WOYYEESSIꞌRI
Manna Rosiisatto Woyite Cinca Ikki
12 Sayikkihunni, manna rosiisatto woyite cinca ikki. Soqqamatto woyite xaadatto manni giddo mitu, ninke seekkine anfoommoha mito Qullaawu Maxaafi halaale insa horo afinokkiha ikkara dandaanno. Qoleno batinyu mannira uminsahu ammananno coyi noonsa. Hattono ammanansa maatensa, budinsanna dagoominsa ledo noonsa aante kaajjishshannohu gede asse hedanno. Ikkina insa kaaꞌla dandiineemmohu hiittoonniiti?
13 Hanni konne coye hedi: Mittu buusi akkalino daafira wole kara hasiꞌniro maa assinanni? Duucha woyite mannu albi buusa horoonsiꞌranni heeꞌreenna, wole haaro buusa karranni. Haaro buusa karre gundi gedensaanni, akkala hoola dandiinanni. Hatteente gede, mannu “akkala” rosonsa aguranno gede kullammora albaanni, balanxe xa rosanni nooha “haaro” roso yaano konni albaanni afinokkiha Qullaawu Maxaafi halaale seekke huwatanno gede assa hasiissanno. Konni albaanni noonsa lao biddi assiꞌra dandiitannohu, hatto assinummoro callaati. Mannu konni garinni hedonsa biddi assiꞌranno gede kaaꞌlate yanna hasiissanno.—Rom. 12:2.
14 Sabbankeemmo woyite manna cincineemmoha ikkiro, Qullaawu Maxaafi halaale macciishshitanni heedhenni adhitanno yine dihendeemmo. Hatteentenni, manna mararreemmoha ikkiro Qullaawu Maxaafi roso sunu sununni huwatanno gede kaaꞌlineemmo. Lawishshaho, hanni uullate aana Gannatete heeꞌrate hexxonke daafira mannaho xawisa dandiineemmo gara hedi. Batinyu manni konni rosi daafira garire diafino; mitootu isinni tenne hexxo daafira affinori dino. Insa reyo baalunku coyira gumulote yite heddannoha ikkara dandaanno. Woy danchu manni baalu iimira haꞌranno yite ammantannoha ikkara dandaanno. Togoo manna kaaꞌla dandiineemmohu hiittoonniiti?
15 Mittu rodii gannate ikkitino uulla aana hegerera heeꞌrate daafira mannaho xawisanno gara coyiꞌrino. Isi balaxe Kalaqama 1:28 nabbawanno. Hakkiinni hasaawisanni noo mancho Maganu mannu ooso hiikko heedharanna hiittoo heeshsho heedhara hasiꞌrannoro xaꞌmanno. Batinyu manni “Uullate aana hagiirru noo heeshsho heedhara hasiꞌranno” yee qolanno. Hakkiinni kuni rodii Isayaasi 55:11 nabbawi gedensaanni “Maganu hedinori xa soorraminoni?” yee xaꞌmanno. Duucha woyite mannu “Disoorramino” yee qolanno. Jeefote isi Faarso 37:10, 11 nabbawi gedensaanni mannu ooso albillitte ma ikkitannoro xaꞌmanno. Isi kuri qummeeshshuwa horoonsiꞌre, Maganu xaano danchu manni Gannate ikkitino uullara hegerera heeꞌrara hasiꞌrannota huwatanno gede batinye manna kaaꞌlino.
DOTTEESSA 25–ONKOLEESSA 1
MAGANU QAALI GIDDO NOOTA MUXXE JIRO | 1 SAAMUEELI 25-26
“Muddantine Mitore Assate Kaꞌinanni?”
Xiinxalla Ikkase Leellishshino
10 Tini chaachaara olanto Naabaali allaalaasine gawajjitinoni? Insa hasidhoommero, geꞌreewu giddonni baxxu yannara mitte lame adha dandiitanno; insa kayinni hatto diassitino. Hatteentenni, insa Naabaali geꞌreewonna allaalaasine huxxu gede ikkite agartinonsa. (1 Saamueeli 25:15, 16 nabbawi.) Geꞌreewonna allaalaasine gawajjannori lowori no. Hakko qooxeessira moyichu batiꞌranno; qoleno wodiidihu Israeelete danni mule noo daafira, wole gobbanni dagganno mulqiꞌraanonna mooraano duucha woyite siꞌannonsa.
11 Halalla kageeshshi mannira sagale itisa Daawitira lowo qarra ikkitinositi egennantinote. Konni daafira Daawiti mitto barra, sagale aasira Naabaaliwa tonne manna soqqi. Daawiti dancha yanna hede soqqino. Hatti yanna geꞌreewoho orda hanxannite; hattee hagiirru yannara jila jilanna woleho ela rosantinote. Qoleno Daawiti buxuqqame ayirrinyunni dhaaꞌme soqqino. Isinni isonooto, “beettikki Daawiti” yiino; hatto yiinohu Naabaali diro roorannosi daafira ayirrisannosita leellishate ikkikki digatino. Naabaali mayyee qoliyya?—1 Sam. 25:5-8.
12 Isi hanqe gobba gudino! Hanafote kulli beetti Abigiyara tenne kulanni, Naabaali “xonatenni amade” aalle haaꞌrinota coyiꞌrino. Honqooqichu Naabaali, sagaleꞌya, waaꞌyanna gorriꞌroommo maala diuyiꞌreemmo yee boolaqiꞌrino. Isi Daawiti tidhinokki manchi gede asse hedino, hattono mootichisiwiinni xooqanni noo borojjichi gede asse kiirino. Naabaalira Daawitira noosi lao, Saaoolitenni dibaxxitinote yaa dandiineemmo. Lamunku Daawiti Yihowa laꞌꞌanno garinni dilaꞌino. Maganu Daawiti baxannosi; qoleno iso finqilu borojjichi gede ikkikkinni, albillitte Israeelete moohannohu gede asse laꞌꞌannosi.—1 Sam. 25:10, 11, 14.
Xiinxalla Ikkase Leellishshino
18 Abigiya minaannise soꞌro ise umise loossino soꞌro gede assite adhite, Daawiti maarie yitino. Ise minaannise suꞌmisinte gede gowwa ikkinota coyidhino; ise xawisse hatto yitinohu, togooha gowwa mancho qorichisha Daawitira ayirrinyesi xeissannota qummi assate ikkikki digatino. Abigiya Daawiti “Kaaliiqi ola” olamanni noota coyidhe, isi Yihowa riqiwaancho ikkinota ammantannota leellishshino. Qoleno ise “Kaaliiqi . . . Israeelete aana moohisannohe” yaase, Yihowa Daawitinna mootummate daafira uyino hexxo affinota leellishshanno. Hakkiinni saeno, Abigiya Daawiti mundeete shede abbannosire woy gedensaanni ‘gaabbisannosire’ assannokki gede huuccidhino. (1 Saamueeli 25:24-31 nabbawi.) Addanko, ise horo mararsidhe coyidhino!
Maganu Qaalinni Ronseemmore
Xiinxalla Ikkase Leellishshino
16 Hatto yaa kayinni Abigiya minaanniseta umimmate silxaane diayirrissanno yaate? Deeꞌni, hatto yaa diꞌꞌikkino. Naabaali buuraminoha Yihowa soqqamaancho xoninota qaagi; tini ikkitosi, minesi noohu beebbaataamu manni goofanno gede assitannote. Abigiya sammi yite agurtoommero, minaannise cubbira digutanta ikka? Ise tenne yannara, minaannisera maahoyye yite galatenni roore Maganisera maahoyye yite gala roorsiꞌrase garankolla.