KIRISTAANU HEESHSHO
Wolqa Roorroommo Yitannori Qarrissannoꞌne Woyite Yihowa Addaxxe
Wolqa roorroommo yitannori qarrissanni waaddunkero yaandammoranna dadillinammora dandiineemmo. Insa ammanankenni kainohunni gibbannonke woyite waajjineemmoha ikkiro, tini ayyaanaamittenke nafa gawajjitara dandiitanno. Wolqa roorroommo yitannori qarrissannoꞌneta gargadha dandiitinannihu hiittoonniiti?
Batinye Yihowa soqqamaano Yihowa addaxxite wolqa roorroommo yitannori qarrissannonsata dandiite saꞌino. (Fa 18:17) Lawishshaho Asteeri, qarrisannohu bushu manchi Haama hedinore xawo fushshitino. (As 7:1-6) Ise hatto assitara albaanni balaxxe xoonte Yihowa addaxxitannota leellishshino. (As 4:14-16) Yihowa ise assitinore maassiꞌre iseno ikko mannasi baotenni gatisino.
Ooso, wolqa roorroommo yitannori qarrissannoꞌneha ikkiro, Yihowa kaaꞌlannoꞌne gede huuccidhe; hattono iillanni nooꞌne qarra gikki yiino mannira lawishshaho, anniꞌneranna amaꞌnera hasaaphe. Yihowa Asteeri kaaꞌlinte gede kiꞌneno kaaꞌlannoꞌneta addaxxa dandiitinanni. Wolqa roorroommo yitannori qarrissannoꞌneta dandee saꞌꞌate wolere maa assa dandiitinanni?
WEDELLIMMATE HEESHSHOꞌYA—WOLQA ROORROOMMO YITANNORI QARRISSANNOETA DANDEE SAEEMMOHU HIITTOONNIITI? YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Wedellootu Chaarlenna Feeri lawishshinni maa rosa dandiitanno?
Annuwunna amuuwu, Chaarlenna Feeri coyiꞌrinorinni oosonsa qarrinsanninsata dandiite saꞌanno gede kaaꞌlate daafira maa rosa dandaanno?