Gafa 1 Bitima

Qullaawu Maxaafi umo, Yihowa iimanna uullate aana kalaqinore biifadda illete leellanno kalaqami daafira kulanno. Ooso iloottoha ikkiro, oosokki addi addi kalaqami dhagge ikke kalaqamino gara huwattanno gede kaaꞌlinsa. Maganu mannu ooso coyiꞌra, heda, loosa, faarsanna huuccatto assiꞌra dandiitanno gede asse kalaqino; oosokki mannu konni garinni saadatewiinni baxxinoha ikkinota huwattanno gede kaaꞌlinsa. Oosokki Yihowa wolqanna hayyo dhagge assidhanno gede assi, hattono Isi kalaqino kalaqama baala lawishshaho, ninke mitto mittonka baxannonke gara huwattanno gede kaaꞌlinsa.