Gafa 2 Bitima

Yihowa baote waa abbe uullate aana noore huninohu mayiraati? Hakkawaro mannu busha coye assa hanafino. Lawishshaho Addaami, Heewaninna beettinsa Qaaeeli busha coye assino. Wolu manni lawishshaho, Abeelinna Nohi kayinni dancha coye assino. Yihowa hakkawaro noo alame huninohu mannu lowo geeshsha busha ikkino daafiraati. Kuni gafi, Yihowa assineemmore laꞌꞌannotanna isi uullate aana bunshe woꞌmite heedhara wore agurannokkita anfeemmo gede kaaꞌlannonke.