FANONTANEA 16
Ino ty tokony hataonao lafa misy raha mampiasa loha?
“Apetraho amy Jehovah ze manavesatsy anao, fa ie hanampy anao. Tsy engany hihozonkozo mihintsy ty olo marina.”
Salamo 55:22
“Ahazoa tombony ty fandamina sandrany atao ty mazoto, fa hahantra ze malisalisa.”
Ohabolana 21:5
“Ka matahotsy fa miaraky aminao aho. Ka mitolitoliky mbeombeo, fa zaho ro Ndranaharinao. Hanatanjaky anao vatany aho, sady hanampy anao. Le vatany hitanjaky anao marè amy tanako havana aho, le ty tanako feno fahamarina.”
Isaia 41:10
“Ia aminareo ro mahay manalava ty androm-piainany, ndre kelikely, lafa miasa loha?”
“Dikany zay, ka miasa loha mihintsy mikasiky ty hamaray, fa ty hamaray hiasa loha amy ty azy. Ampy ho ahy ty andro kiraidraiky ty raha raty misy aminy eo.”
“Mivavaky avao aho mba hahaizanareo soa ze vatan-draha marè.”
“Ka miasa loha marè ndre amy ino ndre amy ino, fa amy ty raha iaby, le ambarao Ndranahary amy alala ty vavaky noho ty fisolohoa voho ty fisaora ty fangatahanareo. Le ty fiadana Ndranahary azy bevata marè mandilatsy ty eritseritsy iaby iny ro hiamby ty fonareo noho ty sainareo amy alala Kristy Jesosy.”