HIRA 152
Trano Hiderà Anao
(1 Mpanjaka 8:27; 1 Tantara 29:14)
1. Jehovah, Mpamoro Mahery
Ty lanitsy, fa tsy omby anao.
Ka vo handraky amy tany toy,
Tsisy tendriky hisy anao!
Fe iasan’ny fanahinao
Foibe nasànay tana toy.
Zahay reto hanao ty asanao,
Lavitsy any ty faroindroy.
(ALOHANI-FIMPOLIA)
Ze raha ameanay,
baka an-tananao avao.
Ze raha anananay,
baka aminao iaby avao.
(FIMPOLIA)
Mahavelo bevata Jehovah!
Toy ty hira antsànay ho anao.
Satria ela ty ela, zao zahay,
Mana trano hiderà anao.
2. Fa ela zahay ro naniry,
Hanao trano hiderà anao.
Sady hianaranay ty lalanao,
Noho hanampeanay ty aondrinao.
Tahio lahy pilasy eto toy,
Mba hanaova ze raha teanao,
Noho hanohizanay ty asanao.
Satria zay hoy ty Ananao.
(ALOHANI-FIMPOLIA)
Ka ze farany soa
Le ameanay amy fo
Satria iha ro tena
Mpanome raha soa.
(FIMPOLIA)
Mahavelo bevata Jehovah!
Toy ty hira antsànay ho anao.
Satria ela ty ela, zao zahay,
Mana trano hiderà anao.