Tena Mino ty Raha Nampitamanini-Jehovah va Iha?

Samby nivola Josoa noho Solomona hoe tsy nisy tsy tanteraky ty raha iaby nivolanini-Jehovah. (Js 23:14; 1Mp 8:56) Manatanjaky ty finoantsika ty safàni-vavolombelo roe azo atokisa reo.—2Ko 13:1; Tit 1:2.

Nanao akory ty nanatanterahani-Jehovah ty fampitamanany tamy androni-Josoa? Henteo miaraky amy ty fianakavianao ty video hoe ‘Tsy Nisy Tsy Tanteraky ty Raha Nivolaniny.’ Bakeo diniho fanontanea retoa: 1) Akory ty hanahafanao ty finoani-Rahaba? (He 11:31; Jk 2:24-26) 2) Manino ty tantarani-Akana ro mampiseho fa mikai-doza ty tsy fanoriha safà? 3) Nanino lahilahy baka a Gibeona any rey ro namitaky ani-Josoa mba hilongoa amin’Israely, kanefa rozy maramila mpialy? 4) Nanao akory ty nahatanteraky ty safàni-Jehovah ndre nanambory an’Israelita reo aza ty mpanjaka Amorita limy? (Js 10:5-14) 5) Nanao akory ty nanampeani-Jehovah anao lafa nataonao voaloha lista amy fiainanao ty Fanjakà-Ndranahary noho ty fahamarinany?—Mt 6:33.

Lafa dinihintsika ty raha nataoni-Jehovah taloha noho ty raha ataony henanizao, voho ze mbo hataony amy hoavy, le mihamatanjaky ty finoantsika ty raha nampitamaniny.—Ro 8:31, 32.