Oriho Marìny ty Liani-Kristy

Nanome modely soa hotahafintsika Jesosy, sirtò lafa miatriky fitsapà na fanenjeha tsika. (1Pe 2:21-23) Ndre fa nijaly aza Jesosy, le tsy namaly ie lafa nisy nandratiraty. (Mr 15:29-32) Ino ty nanampy azy hiaritsy? Tapa-kevitsy hanao ty sitraponi-Jehovah ie. (Jn 6:38) Nifantoky tamy “hafalea natao talohany teo iny” koa ie.—He 12:2.

Tokony hanao akory tsika lafa misy mampijaly antsika vokatsini-finoantsika? Tsy “mamaly raty amy ty raty” ty Kristiana marina. (Ro 12:14, 17) Laha miaritsy fijalea manahaky ani-Jesosy tsika, le ho falifaly satria mahazo hatò amy Ndranahary.—Mt 5:10-12; 1Pe 4:12-14.

HENTEO TY VIDEO HOE TY ANARANI-JEHOVAH RO VATAN-DRAHA MARÈ, BAKEO VALEO FANONTANEA RETOA:

• Ino ty nataoni-Ranabavy Pötzingera mba hampiasà soa ty fotoany tamin’ie tan-gadra tao?

• Ino iaby ty fijalea niaretani-Rahalahy noho Ranabavy Pötzinger lafa tamy toby rey tany rozy?

• Ino ty nanampy an-drozy hiaritsy?