Ino ty Hanampy ty Mpivaly ho Sambatsy?

Tena nifankatea noho nifanaja Abrahama noho Saraha ka modely soa ho ani-mpivaly. (Ge 12:11-13; 1Pe 3:6) Fe ndre zay tsy maintsy nisy raha nanahira tamy tokantranon-drozy tao, le niaritsy fitsapà koa rozy. Ino ty azoni-mpivaly ianara baka amy Abrahama noho Saraha?

Miezaha hifampiresaky avao. Miezaha ho kalma avao ndre mahavola raha maharary anao valinao lafa meloky na miasa loha. (Ge 16:5, 6) Manokana fotoa hiarahanareo roe matetiky. Anovo tsapany amy ty raha volaninao noho ataonao avao hoe teanao vatany ie. Toy ty vatan-draha marè, anovo azo antoky hoe mifandramby soa amy Jehovah nareo morovaly, zany hoe miaraha mianatsy, mivavaky, noho manompo. (Mpto 4:12) Fandahara masy baka amy Jehovah ty fanambalea, ka manome voninahitsy azy ty mpivaly lafa tena milamy soa.

HENTEO TY VIDEO HOE HASOAVO TY FIFANDRAMBESANAREO MOROVALY, BAKEO VALEO FANONTANEA RETOA:

• Tamy video teo iny, ino ty nampiseho hoe fa nanomboky nifanalavitsy Mamy noho Marina?

• Manino ro tena mila mifampiresaky soa ty mpivaly?

• Manino ty tantarani-Abrahama noho Saraha ro nanampy ani-Mamy noho Marina?

• Ino iaby ty raha nataoni-Mamy noho Marina mba hampilamy ty fiarahan-drozy?

• Manino ty mpivaly ro tsy tokony hitamà hoe tsy hisy handrany mihintsy ty fanambaleany?