Tena Mitahy Vatany Jehovah

8:6-9, 12; 9:1-5, 23, 24

Nandatsaky afo Jehovah hampirehitsy ty fanatitsy oroa voalohany tamy Arona nitendrè mpisoro. Hita baka amy zay hoe teani-Jehovah raha nataon-drozy io, le nanao raha ie. Ta hampiseho Jehovah hoe mila manoha ty mpisoro koa ty Israelita nanatriky teo. Mampiasa ani-Jesosy ho Mpisorobe an-danitsy any koa Jehovah henanizao. (He 9:11, 12) Tamy 1919 Jesosy nanendry lahilahy voahosotsy vitsivitsy ho “mpanompo azo atokisa noho mahihitsy.” (Mt 24:45) Ino ty mampiseho hoe tahini-Jehovah mpanompo io sady tohanany noho mahazo hatò aminy?

• Ndre tsy tampitampitsy ty fanenjeha, le tsy nieny nizara hany ara-panahy ho antsika ty mpanompo azo atokisa

• Tanteraky ty faminania hoe “hotorỳ amy tany toy iaby” ty vaovao soa.—Mt 24:14

Akory ty hampisehoantsika hoe tena manoha ty mpanompo azo atokisa noho mahihitsy tsika?