Mitandrema amy Mpivadi-pinoa

Ta hanimba ty finoantsika Satana noho ty mpanaraky azy, le matetiky aharon-drozy amy vandy ty fahamarina. (2Ko 11:3) Ta hanakivy ty vahoaki-Ndranahary, ohatsy, Asyrianina reo, ka nivola raha marina kelikely mifangaro amy vandy bevata. (2Ta 32:10-15) Ho zay koa ty ataoni-mpivadi-pinoa reo. Akory ty fahitantsika ani-fampianarani-mpivadi-pinoa rey? Sahala amy poizy mahafaty raha io! Ka mamaky ani-raha rey mihintsy, na mamaly ty resakin-drozy, na mitantara raha mikasiky an-drozy. Avy le mialà laha vo mahita fanazavà mety hahavy anao hisalasala mikasiky ani-Jehovah noho ty fandaminany.​—Joda 3, 4.

HENTEO TY VIDEO HOE “MIALIA AY, AROVO TY FINOA!”​—TAMPATAMPANY, BAKEO VALEO FANONTANEA RETOA:

• Manino tsika ro mila miamby soa lafa mampiasa Internet?

  Valin-teninao

• Akory ty azontsika anoriha ty torohevitsy amy Romanina 16:17 ao?

  Valin-teninao