29 ZIÈ–4 OÒH

SALAMO 69

Hira 13 noho Vavaky | Safà Fampilira (1 min.)

HANANA LAFOVILY BAKA AMY BAIBOLY

Jesosy mandroaky mpamarotsy noho ty biby avilin-drozy hiala amy tempoly ao.

1. Fa Niresahin’ny Salamo 69 Mialoha ty Raha Niseho tamy Fiainan’i Jesosy

(10 min.)

Tsy nisy antony ty nalainan’olo an’i Jesosy (Sl 69:4; Jn 15:24, 25; w11 15/8 11 § 17)

Nafana fo ho an’ny tranon’i Jehovah Jesosy (Sl 69:9; Jn 2:13-17; w10 15/12 8 § 7-8)

Nitebiteby marè Jesosy sady namea divay mifangaro raha mafaitsy (Sl 69:20, 21; Mt 27:34; Lk 22:44; Jn 19:34; w96 15/2 p. 31 § 4; it “Zavamaniry misy poizina” § 2)

VETSEVETSEO ZAO: Manino ro nampanoratin’i Jehovah amy Soratsy Hebreo ao ty faminania mikasiky an’i Mesia?

2. Safira Ara-panahy

(10 min.)

Sl 69:30, 31: Manino andininy reo ro manampy antsika hanasoa ty vavaky ataontsika? (w99 15/1 18 § 11)

Valin-teninao
Ino ty safira ara-panahy teanao horesahy tamy famakia Baiboly tamy herinandro toy?

Valin-teninao

3. Famakia Baiboly

(4 min.) Sl 69:1-25 (th fianara 2)

FIANARA MANOMPO

4. Manàna Fahareta: Ino ty Nataon’i Jesosy?

(7 min.) Fiaraha midiniky. Alefaso VIDEO iny, bakeo iaraho midiniky ty bokikely lmd fianara 8: Hevitsy 1-2.

5. Manàna Fahareta: Tahafo Jesosy

(8 min.) Fiaraha midiniky miory amy bokikely lmd fianara 8: Hevitsy 3-5 noho “Henteo Koa.”

TY FIAINANTSIKA KRISTIANA

Hira 134

6. Raha Ilàn’ny Fiangona

(5 min.)

7. Torolala Mikasiky Fotoam-pivavahan’ny Fianakavia

(10 min.) Fiaraha midiniky.

Sary vitsivitsy: 1. Loham-pianakavia manoma fotoam-pivavaha. 2. Bakeo ie miaraky manao fotoam-pivavaha amy valiny noho anakampelany telo vavy rey.

Nanomboky tamy Zanviè 2009, le natambatsy amy Sekolin’ny Fanompoa noho ty Fivoria Mikasiky Fanompoa ty Fianara Boky. Vokatsin’ny fanovà io, le nanam-potoa hanaova fotoam-pivavahan’ny fianakavia sankerinandro ty fianakavia. Maro ty fianakavia nankasitraky an’ny fandahara io satria nanampy an-drozy hifandramby marìny amy Jehovah raha io sady nanampy an-drozy hifandramby am-po.—De 6:6, 7.

Ino ty torolala sisany afaky manampy anareo loham-pianakavia mba hahavy ty fotoam-pivavahanareo handeha soa?

Ataovo tsy tampaky fandahara io. Laha azo atao, le ka ovaovà ty andro anaova fotoam-pivavaha. Fe laha misy raha miseho tampoky tsy ahafahanareo manao fotoam-pivavaha amy fotoa io le ovao amy andro hafa
Omano soa. Mangataha soso-kevitsy amy valinao. Azonao atao koa kindraiky ty mangataky soso-kevitsy amy ty anakinao. Tsy voatery handany fotoa maro iha lafa manoma fotoam-pivavaha, sirtò laha fa misy raha sisany tean’ny fianakavianareo ty manao azy sankerinandro
Ataovo mifanaraky amy raha ilàn’ny fianakavianao. Lafa mihabe ty ajà, le miova ty raha ilàny noho ty raha hainy. Tokony hanampy ty kiraidraiky amy fianakavia hifandramby marìny amy Jehovah ty fotoam-pivavaha
Ataovo ze itiavan’ny fianakavia azy. Azonareo atao, ohatsy, ty manao fotoam-pivavahan’ny fianakavia an-tokotany eo laha soa ty andro. Tsy manino koa ty mitofatofa kelikely laha ilà. Marina fa azonareo atao ty miresaky ty raha sarotsy mahazo ty anakinareo lafa manao fotoam-pivavahan’ny fianakavia nareo. Fe soa laha tsy meloky an-drozy iha na manasazy an-drozy amy fotoa io
Ataovo sankarazany ty raha atao amy fotoam-pivavaha. Azonareo atao, ohatsy, ty miaraky manoma ty raha sisany hianara am-pivoria any, manenty noho miaraky midiniky video raiky baka amy jw.org, noho miaraky manao fanazaran-tena ty raha atao amy fanompoa eny. Marina hoe fiaraha midiniky ty tena atao amy Fotoam-pivavahan’ny Fianakavia, fe lafa vita fiaraha midiniky iny le azon’ny kiraidraiky atao koa ty manao fianara am-bata.

Iaraho midiniky fanontanea toy:

Akory ty nanorihanareo an’ny torolala mikasiky fotoam-pivavahan’ny fianakavia reo?

Valin-teninao

8. Fianara Baiboly

(30 min.) rr toko 12 § 15-21