Matokisa hoe Mahavita Manavotsy Anao Jehovah

Vakio Nomery 13:25–14:4: Ho hitanao ao hoe tsy natoky an’i Jehovah, Israelita reo.

Diniho soa ty safà manodidy. Manino ty Israelita ro tokony ho natoky hoe afaky nanavotsy an-drozy Jehovah lafa niala an’i Ejipta rozy? (Sal. 78:12-16, 43-53) Ino ty nahavy an-drozy ho lasa tsy natoky an’i Jehovah sasy? (Deot. 1:26-28) Akory ty nampisehoan’i Josoa noho Kaleba hoe natoky an’i Jehovah rozy?​—Nom. 14:6-9.

Diniho laliky. Ino ty niazon’Israelita reo natao mba hampitomboa ty fatokisan-drozy an’i Jehovah? (Sal. 9:10; 22:4; 78:11) Manino ro hatòky an’i Jehovah tsika laha manaja azy?​—Nom. 14:11.

Diniho ty raha azonao ianara. Eritsereto zao:

• ‘Lafa manao akory ro mety ho sarotsy amiko ty hatòky an’i Jehovah?’

• ‘Ino ty azoko atao mba hampitomboako ty fatokisako an’i Jehovah, henanizao noho amy hoavy?’

• ‘Matoky an’i Jehovah va aho, ka tsy hatahotsy lafa avy ty fijalea bevata?’​—Lioka 21:25-28.