Manino ty Vavolombelo Jehovah ro Mbo Mandeha Aminolo fa Mana ty Fivavahany?

Hainay fa tea miresaky mikasiky raha amy Baiboly ao ty olo fa mana ty fivavahany. Afaky mifily finoa hafa tsy mitovy amy ty ahinay ty olo, sady hajanay ze teany. Tsy ataonay forosè haneky ze raha torinay koa ty olo.

Lafa miresaky mikasiky fivavaha zahay, le miezaky manoriky torohevitsy amy Baiboly ao mba ‘ho soa fanahy noho hanaja’ olo lafa manao raha zay. (1 Petera 3:15) Fa hainay fa tsy haneky ty raha torinay ty olo sisany. (Matio 10:14) Fe tsy ho hainay hoe haneky sa tsy haneky ty olo raiky laha tsy miresaky aminy tseky zahay. Miovaova koa ty raha mahazo ty olo.

Mety ho sahira, ohatsy, ie amy andro raiky, fe mety mbo haneky hiresaky avao ie amy andro hafa. Mety ho sahira tampoky koa ie, na nisy raha niova tamy ty fiainany, ka manjary ta hahay ty raha volany amy Baiboly ao ie. Zay mahavy anay miezaky mimpolimpoly aminolo any io.