Mino va ty Vavolombelo Jehovah fa rozy avao ro ho voavonjy?

Aha. Mety ho voavonjy iaby ty olo tsy Vavolombelo Jehovah an-tapitrisany fa niay taloha tany. Mivola ty Baiboly fa ‘hovelomy ndraiky ty marina noho ty tsy marina’ amy tontolo vaovao ampitamany Ndranahary iny ao. (Asan’ny Apostoly 24:15) Maro koa henanizao ty olo mety fa nanomboky nanompo Ndranahary, ka ho voavonjy. Fe ndre manao akory ndre manao akory, tsy anjaranay ty mitsara hoe ia ro ho voavonjy. Jesosy raiky avao ro nahazo fahefà hanao raha zay.—Jaona 5:22, 27.