Fizarà 9

Ombia Tany toy vo ho Paradisa?

Hita baka amy raha manahira maro henany zao reo, fa sisa kely le ho avy ty Fanjakà Ndranahary. Lioka 21:10, 11; 2 Timoty 3:1-5

Ty koronta hiseho amy andro farany: aly, arety, mosary, tsy fanoriha ty safàni-Babany noho ty reny, voho ty hasatà anatiny tokantrano

Fa nivolany ty Baiboly taloha tany iaby ty raha misy henany zao. Volaniny ao fa ho tea drala, hasiaky, ho tea aly, ho be sitrapo ty olo. Tsy hijanjy anatsy ty babany noho ty reniny ty anaky.

Hisy aly, mosary, handripaky ty arety, fa misy iaby raha reo henany zao.

Vavolombeloni-Jehovah mitory ty vaovao soani-fanjakà iny amy lahilahy raiky

Nivola koa Jesosy fa hambara amy olo iaby an-tany etoy ty vaovao soa mikasiky Fanjakà Ndranahary io.—Matio 24:14.

Hanafaky ty raha raty iaby ty Fanjakà Ndranahary. 2 Petera 3:13

Haripaky iaby ty raty fanahy amy Hara-magedona, bakeo ho sazỳ Satana noho ty demonia

Fa tsy ho ela sasy Jehovah le handripaky ty olo raty.

Haripaky Satana noho demonia reo lafa afara any.

Jesosy mipetraky amy sezim-panjakà an-danitsy noho ty karazan’olo samby hafa miaraky falifaly

Ho avotsy ze mijanjy Ndranahary. Olo marina avao sisa ro ho velo an-tany etoa. Fa tsy hisy olo hatahotsy sasy amy zay, atokisa iaby ty olo sady hifankatea.