Tranoaboni-Babela

Tafarani-Ranobe iny, le nanan’anaky maro anaki- lahini-Noa rey. Nihamaro ty fianakavian-drozy, ka nanomboky niparitaky amy tany toy rozy, araky ty nivolanini-Jehovah tamin-drozy.

Fe tsy nanoriky ty safàni-Jehovah ty sisany amy fianakavian-drozy reo. Nivola rozy hoe: ‘Ndao hamoro tanà etoa tsika, le hipetraky eto avao. Hanao tranoabo mahatakatsy lanitsy iny tsika, soa halaza.’

Tsy niteani-Jehovah ty raha nataon’olo rey ka nisakanany. Hainao ty raha nataony? Nataony samby hafa ty fivolanan-drozy. Tsy nifankahazo resaky amy zay rozy ka nijano asa iny. Farany nikaihy hoe Babela tanà io. “Fikorontana” ty dikani-anara io. Nanomboky teo, le niparitaky amy tany toy iaby ty olo. Fe mbo nanao raha raty avao rozy lafa niavy tany. Mbo nisy olo tea ani-Jehovah avao va? Zay ro hohenteantsika manaraky.