Fampilira amy Fizarà Faha-6

Niavy tamy Tany Nampitamany tany avao Israelita rey tamy farany. Ty tranolay masy ro natao foibeni-fivavaha marina lafa tao. Nampianatsy Lalàna ty mpisoro, le ty mpitsara ro nitariky ani-firenena iny. Misy vokatsiny bevata amin’olo hafa ty fanapahan-kevitsy noho ty raha ataontsika kiraidraiky. Ho hitanao amy fizarà toy ato raha zay. Samby mila manatanteraky ty adidiny amy Jehovah noho amy ty olo hafa ty Israelita kiraidraiky. Aboaho soa hoe nanino ro nahasoa ty hafa ty raha nataoni-Debora, Naomy, Josoa, Hana, anakampelani-Jefta, noho Samoela. Aboaho soa koa fa nanoha ani-Israelita reo ndre ty olo sisany tsy Israelita lafa nahay hoe nitahy ani-Israelita reo Jehovah. Anatini-zay Rahaba, Rota, Jaela, noho Gibeonita rey.