“Hain’Olo Am-bavahady eny Valiny Iny”

Soa laza ty lahilahy mana valy soa. Tamy androni-Lemoela Mpanjaka, ohatsy, le ‘hain’olo iaby am-bavahady eny’ ty lahilahy mana valy soa. (Oh 31:23) Manambaly koa henanizao ty sisany amy lahilahy mana tombontsoa ho anti-panahy na mpanampy amy fanompoa rey. Ka laha soa fandaisam-bata noho manoha azy soa avao ty valiny, le ho vitany soa ty andraikitsiny. (1Ti 3:4, 11) Vomaiky ho teani-valiny ty ampela manahaky ani-zay. Tsy ty valiny avao ro ho tea azy fa ty fiangona koa.

Manampy ty valiny hahavita ty andraikitsiny ty valy soa laha...

• manao safà mampahery sady soa fanahy.—Oh 31:26

• tsy atitiany amy fiangona valiny iny.—1Te 2:7, 8

• mana fiaina tsotra.—1Ti 6:8

• tsy manontanintany azy mikasiky ty sekirèni-fiangona.—1Ti 2:11, 12; 1Pe 4:15