Tsy ho Halinoni-Jehovah ty Asa Soa Ataonao

Afaky manao raha tsy ho halinoni-Jehovah mihintsy lafa atao mpanompony. Tena teani-baba noho reny ty raha soa vitan’anany ka tsy ho halinony mihintsy. Ho zay koa fa tsy ho halinoni-Jehovah mihintsy ty asa noho ty fitiava nasehontsika ho ahi-ty anarany. (Mt 6:20; He 6:10) Samby mana ty fahaizany noho ty fiainany tsika iaby, fe laha manao ze farani-soa vitantsika amy fanompoa ani-Jehovah tsika, le hahita fifalea. (Ga 6:4; Kl 3:23) Fa an’arivony ty rahalahy noho ty anabavy nifanolosolo nanompo tamy Betela any. Afaky manao asa an-tsitrapo ho ani-Betela koa va iha? Laha tsy afaky iha, azonao atao va ty mampirisiky ty hafa mba hanao ani-zay na manampy betelita mba hahafahany hanohy hanompo amy tombontsoa manoka io?

HENTEO TY VIDEO HOE MIEZAHA MBA HO AZONI-BETELA AMPIASÀ, BAKEO VALEO FANONTANEA RETOA:

• Ino ty antony tokony hanosiky olo raiky hanompo amy Betela?

• Ino iaby ty fitahia nivolanin’olo sisany manompo amy Betela ao?

• Ino iaby ty fepetra takỳ amin’olo ta hanompo amy Betela?

• Ino ty hataonao laha ta hanao fangataha hanompo amy Betela?