Ino ty Tena Vatan-draha Amiko?

Nialy tamy anjely raiky Jakoba mba hahazoa raha tena bevata, tsy ino zay fa ty fitahiani-Jehovah. (Ge 32:24-31; Ho 12:3, 4) Ka tsika? Parè hampiasa ty herintsika iaby mihintsy va tsika mba hanoriha ty safàny noho hahazoa hatò aminy? Laha tsy maintsy mifily, ohatsy, tsika hoe hivory va sa hanao asa fanampiny anatini-lera vitsivitsy, ino ty hofilintsika? Laha ameantsika ani-Jehovah ze farani-soa amy fotoantsika, herintsika, noho ty hananantsika, le handatsahany ‘fitahia maro biby mandilatsy ty ilàntsika tsika.’ (Ml 3:10) Hitariky noho hiaro antsika ie sady hanome ze raha ilàntsika.—Mt 6:33; He 13:5.

HENTEO TY VIDEO HOE MIFANTOHA AMY RAHA ARA-PANAHY KENDRENAO REY AVAO, BAKEO VALEO FANONTANEA RETOA:

• 

  Manino ty raha teani-anabavy iny ro nanjary fakam-panahy taminy?

• 

  Manino ty asantsika ro mety ho lasa fitsapà ho antsika?

• 

  Manino Timoty ro mbo nila nana raha kendrè avao ndre fa lasa Kristiana matotsy aza?—1Ti 4:16

• 

  Akory ty ampisehoantsika hoe ty fanompoa ro “asa farani-ze bevata” amintsika?