Porofoni-Fitiavani-Jehovah ty Fananara

Manoro hevitsy noho mampianatsy ty hoe mananatsy. Fe anatini-fananara koa ty fanitia noho fanasazia. Anarini-Jehovah tsika soa hanompo azy amy fomba soa. (Ro 12:1; He 12:10, 11) Mety haharary ty fananara, fe manampy antsika hanao raha mahity noho ahazoa fitahia. (Oh 10:7) Ino ty raha tokony ho tiarovini-ze manome fananara noho ze anary?

Ze mananatsy. Tokony ho soa fanahy noho hampiseho fitiava manahaky ani-Jehovah ty anti-panahy, ty baba noho reny, noho ty olo hafa lafa mananatsy. (Je 46:28) Ndre mila amea fananara marerè aza olo iny, le tokony hatao araky ty rariny noho am-pitiava avao raha zay.—Tit 1:13.

Ze anary. Tsy tokony handà tsika ndre ino ndre ino ty fananara azontsika, fa tokony avy le hanoriky. (Oh 3:11, 12) Tsy lavorary tsika ka samby mila fananara iaby. Maro ty fomba ahazoa ani-anatsy zay. Mety hananatsy antsika ty raha nivakintsika amy Baiboly ao na ty raha nirèntsika tam-pivoria tany. Misy koa ty anarini-komitim-pitsarà mihintsy. Handramby soa tsika sady hahazo fiaina zisiky farany laha manoriky fananara.—Oh 10:17.

HENTEO TY VIDEO HOE “ZE TEANI-JEHOVAH RO ANARINY,” BAKEO VALEO FANONTANEA RETOA:

• 

  Nanao akory tse ty fiainani-Canon, le ino ty raha nitariky azy tsikelikely?

• 

  Akory ty nananarani-Jehovah azy am-pitiava?

• 

  Ino ty ianarantsika baka amy tantarany?