Ampiasanao Soa va ty Baiboly Nalà Feo?

Ino Baiboly nalà feo zao? Baiboly Fandikan-tenin’ny Tontolo Vaovao iny avao io fe nalà feo. Aboaky tsikelikely amy fivolana maro araky ze azo atao raha io. Tena miavaky Baiboly nalà feo io satria olo samby hafa ro manao feon’olo voatantara amy Baiboly ao rey. Misy fanamafisa noho fihetseham-po mety soa ty famakia azy, farany miboaky soa ty hafatsy amy Baiboly ao.

Ino ty soa azon’olo sisany baka amy Baiboly nalà feo io? Tena teani-azy mpijanjy Baiboly nalà feo reo hoe lasa velombelo tantara amy Baiboly ao rey. Tsapan-drozy hoe lafa maharè feon’olo samby hafa rozy, le vomaiky azon-drozy sary an’eritseritsy soa tantara rey, sady mazava soa amin-drozy ty raha voasoratsy ao. (Oh 4:5) Maro koa ty nahatsapa hoe lasa kalma avao ndre niasa loha aza, lafa nijanjy ani-Baiboly nalà feo rey. ​—Sl 94:19.

Misy heriny bevata amy fiainantsika ty fijanjina ty Safà-Ndranahary. (2Ta 34:19-21) Fa misy amy fivolana hainao va Baiboly nalà feo io, na ty tampany aminy? Azonao ampiliry amy fandahara ara-panahy fataonao sanandro va ty fijanjina azy?

HENTEO TY VIDEO HOE FAMPIBOAHA BAIBOLY NALÀ FEO, BAKEO VALEO FANONTANEA TOY:

Ino ty tena nampieky anao tamy fampiboaha ani-Baiboly nalà feo iny?