• Ino ty Hanampy Antsika Handramby Fanapahan-kevitsy Soa?
    Ho Azonao Tavy ty Fiaina Zisiky Farany!—Natao Hianara Baiboly

    • 5. Hajao ty feoni-fieritseretan’olo hafa

      Samby hafa ty olo ka tsy hitovy mihintsy ty fanapahan-kevitsiny. Akory ty ampisehoantsika hoe manaja ty feoni-fieritseretan’olo hafa tsika? Diniho raha miseho roe retoa:

      Raha miseho 1: Tea manao makiazy ty ranabavy raiky, fe hafahafa amy ty ranabavy amy fiangona vo nifindrany any ty olo manao makiazy.

      Vakio Romanina 15:1 noho 1 Korintianina 10:23, 24, bakeo iaraho midiniky fanontanea toy:

      • Ino ty mety hataoni-ranabavy io laha manoriky ty raha volany amy andinin-teny reo ao ie? Ino ty hataonao laha misy raha raiky mety amy feoni-fieritseretanao kanefa tsy mety amy feoni-fieritseretan’olo hafa?

      Raha miseho 2: Haini-rahalahy raiky hoe tsy raràni-Baiboly ty finoma toaky amy antonony, fe fa nanapa-kevitsy tsy hino toaky mihintsy ie. Nahazo fanasà hamonjy mariazini-mpiara-manompo ie, le nahita rahalahy vitsivitsy nino toaky lafa tany.

      Vakio Mpitoriteny 7:16 noho Romanina 14:1, 10, bakeo iaraho midiniky fanontanea retoa:

      • Mety ho tapa-kevitsy hanao ino rahalahy io laha hentea andinin-teny reo? Ino ty hataonao laha mahita olo manao raha tsy mety amy feoni-fieritseretanao iha?

      Ino ty dingana hanampy anao handramby fanapahan-kevitsy soa?

      A woman praying.

      1. Mivavaha amy Jehovah mba hanampy anao hahita ze tokony hatao.​—Jakoba 1:5.

      Ampela teo iny avao manao fikaroha amy boky noho gazety ara-Baiboly, le mampiasa ordinatera.

      2. Manaova fikaroha amy Baiboly, boky noho gazety mba hahitanao ty torolala azonao orihy. Afaky manontany Kristiana matotsy koa iha.

      Ampela teo iny avao mametsivetsy.

      3. Diniho ty ho vokatsini-fanapahan-kevitsinao amy ty feoni-fieritseretanao noho ty feoni-fieritseretan’olo hafa.