5. Akory ty azo amintina ani-ankamantatsy iny?

⁵ Vakio ny Ezekiela 17:3-10. Izao ilay ankamantatra raha fintinina: Nisy “voromahery lehibe” nanapaka ny “tendron’ny rantsany mbola tanora” teo amin’ny hazo sedera iray, dia namboleny tany amin’ny “tanànan’ny mpivarotra” ilay izy. Nalainy koa “ny voa sasany tao amin’ilay tany”, ka namboleny teo amin’ny saha lonaka “azon-drano tsara.” Naniry ilay voa dia lasa ‘voaloboka misandrahaka.’ Nisy “voromahery lehibe hafa” nipoitra avy eo. “Maika erỳ” ilay voaloboka nandefa ny fakany tany amin’io voromahery io, satria tiany horaisin’ilay voromahery izy mba hamboleny any amin’ny toeran-kafa azon-drano tsara. Niteny i Jehovah hoe hisy hanongotra ny fakan’ilay voaloboka ary “halazo tanteraka” izy. Nasehony tamin’izany fa ratsy ny nataon’izy io.

6. Ino ty dikani-ankamantatsy iny?

⁶ Inona no dikan’ilay ankamantatra? (Vakio ny Ezekiela 17:11-15.) Nanao fahirano an’i Jerosalema i Nebokadnezara mpanjakan’i Babylona (ilay “voromahery lehibe” voalohany) tamin’ny 617 T.K. Nesoriny tsy ho mpanjakan’i Joda i Joiakina (ilay “tendron’ny rantsany mbola tanora”) ary nentiny tany Babylona (ilay “tanànan’ny mpivarotra”). Nataon’i Nebokadnezara mpanjaka tao Jerosalema i Zedekia (anisan’ny ‘voa tao amin’ilay tany’, izany hoe iray amin’ireo tarana-mpanjaka). Nasain’i Nebokadnezara nianiana tamin’ny anaran’Andriamanitra anefa izy hoe hanaiky ny fahefany, na dia mpanjaka aza. (2 Tan. 36:13) Nanaiky i Zedekia nefa nivadika tamin’ny teniny avy eo. Nikomy tamin’i Babylona izy dia nangataka tamin’ny Faraon’i Ejipta (ilay “voromahery lehibe” faharoa) mba handefa tafika hanampy azy. Tsy nahavonjy azy akory anefa izany! Nasehon’i Jehovah hoe ratsy ny nataon’io mpanjaka io. (Ezek. 17:16-21) Nesorina teo amin’ny fitondrana izy tamin’ny farany, ary maty tany am-pigadrana tany Babylona.​—Jer. 52:6-11.

• 

  2. Notendren’i Nebokadnezara ho mpanjaka tao Jerosalema i Zedekia