3. Akory ty nahaizani-Jiosy rey hoe tsy ara-bakiteny vavarano tamy fahità iny?

³ Azo antoka fa fantatr’ireo Jiosy natao sesitany hoe tsy ara-bakiteny ilay renirano tao amin’ilay fahitana. Azo inoana hoe nampahatsiahy an-dry zareo faminaniana hafa momba ny famerenana amin’ny laoniny io fahitana io. I Joela mpaminany no nanoratra an’ilay izy, angamba 200 taona mahery talohan’izay. (Vakio ny Joela 3:18.) Rehefa namaky an’io faminaniana io ny Jiosy, dia tsy nieritreritra hoe ho tanteraka ara-bakiteny ilay izy, ka hoe “hisy divay mamy hitete eny an-tendrombohitra”, “hisy ronono hikoriana eny amin’ny havoana”, ary “hisy loharano hikoriana avy ao an-tranon’i Jehovah.” Azo inoana fa takatr’izy ireo koa hoe tsy ara-bakiteny ilay renirano tao amin’ilay fahitan’i Ezekiela.a Inona àry ny hafatra tian’i Jehovah hampitaina tamin’ilay izy? Manampy antsika hahafantatra ny dikan’ny zavatra sasany ao amin’ilay fahitana ny Baiboly. Ny fanomezan-toky telo feno fitiavana ao amin’ilay fahitana anefa no tena hifantohantsika izao.

JOELA 3:18: Resahin’io faminaniana io hoe hisy loharano hikoriana avy ao amin’ny toerana masin’ny tempoly, dia hanondraka an’ilay lohasaha maina antsoina hoe “Lohasahan’ny Hazo Akasia.” Samy mamelona toerana tsy misy zavamananaina ny renirano hitan’i Joela sy Ezekiela, sady samy miainga avy ao amin’ny tranon’i Jehovah, izany hoe ny tempoly.