Fahità Mampatanjaky Finoa

9:1-7

Mba eritsereto hoe ino ty nitsapani-Jesosy tamy fotoa niovany tarehy iny. Reny ty feoni-Babany an-danitsy any iny nanambara hoe nahazo hatò taminy ie. Azo antoky fa nanatanjaky azy raha zay mba hiatriky ty fijalea hahazo azy. Nisy vokany bevata tamy Petera noho Jakoba voho Jaona koa fahità iny. Nieky rozy fa Jesosy vatany ro Mesia, sady marina ty ahin-drozy lafa naneky ty raha nivolaniny. Fa 32 tao tafara tatoy, le mbo tiaroni-Petera avao raha niseho iny noho ty vokany taminy. Nampatanjaky ty finoany ani-“safà faminania” iny raha zay.—2Pe 1:16-19.

Marina fa tsy nahazo ani-fahità maharesy lahatsy io tsika, fe hitantsika maso ty fahatanterahany. Fa Mpanjaka mahery Jesosy henanizao. Sisa kely le “hamita ty fandreseany” ie, le bakeo amy zay hisy tontolo vaovao.—Ap 6:2.

Nanjary natanjaky va ty finoanao lafa nahita hoe tanteraky ty faminaniani-Baiboly? Tantarao.