TY FIAINANTSIKA KRISTIANA

HASOAVO TY FANOMPOANAO—Mahaiza Mametraky Fanontanea

MANINO RO TENA ILÀ? Laha “manahaky rano laliky ty hevitsy am-pon’olo ao”, le sahala amy sihoa anovoza azy bakao ty fanontanea. (Oh 20:5) Manampy antsika hampiresaky ani-olo mijanjy antsika iny ty fanontanea. Manjary haintsika matetiky ty raha tena ilà lafa mahay mifily fanontanea tsika. Nahay nametraky fanontanea Jesosy. Akory ty hanahafantsika azy?

Jesosy, mametraky fanontanea amy mpianatsiny raiky

AKORY TY HANAOVA AZY?

Mametraha fanontanea hahaiza ty hevitsiny. Nametraky fanontanea mifampitohitohy Jesosy mba hahaiza ty hevitsini-mpianatsiny rey. (Mt 16:13-16; be 238 § 3-5) Ino iaby ty fanontanea azonao apetraky mba hahaiza ty hevitsin’olo?
Mametraha fanontanea hanampea azy hahay hanatsoaky hevitsy. Lafa nanova ty hevitsy diso nananani-Petera Jesosy le nametraky fanontanea maromaro, bakeo niresaky valiny azo ifilia mba hanampea azy hahita ty valiny marina. (Mt 17:24-26) Ino iaby ty fanontanea azonao apetraky mba hanampea olo raiky hahay hanatsoaky hevitsy?
Derao ty olo iresahanao. Nideràni-Jesosy ty mpanora-dalàna raiky satria ‘namaly azy tamim-pahendrea.’ (Mr 12:34) Akory ty azonao iderà ty olo namaly ani-fanontaneanao iny?

HENTEO TY TAMPANY VOALOHANY AMY VIDEO HOE ANOVO TY ASA NATAO JESOSY: FAMPIANARA, BAKEO VALEO FANONTANEA RETOA:

Manino ro tsy mety fomba fampianarany teo iny, ndre marina soa aza ty fanazavàny?
Manino ro tsy ampy ty hoe manazava avao lafa mampianatsy?

HENTEO TY TAMPANY FAHAROE AMY VIDEO INY, BAKEO VALEO FANONTANEA RETOA:

Ino amy raha nataoni-rahalahy iny ro mampiseho hoe nahay nametraky fanontanea ie?
Ino koa ty azontsika tahafy amy fomba fampianarany?

Lahilahy raiky, mivali-doha satria raty ty fomba ampianara azy; mazava soa amy lahilahy iny ty fahamarina, satria soa ty fomba ampianara azy — Ino ty vokani-fampianarantsika amin’olo? (Lk 24:32)