“Mbo Nampiasa Fivolana Raiky Avao ty Tany Iaby”

11:1-4, 6-9

Naparitakini-Jehovah olo tsy nanoriky safà ta Babela tany rey. Nataoni-Jehovah tsy nifankahazo ty resakin-drozy. Mamory vahoaky be baka amy firenena noho fivolana iaby Jehovah henanizao sady manome an-drozy “safà malio” amy zay rozy ‘hikaiky ty anarani-Jehovah, soa hanompoan-drozy azy amy fiharoa raiky.’ (Ze 3:9; Ap 7:9) Tsy ino “safà malio” resahiny eto io fa ty fahamarina mikasiky ani- Jehovah noho ty raha teany hatao hita amy Baiboly ao.

Tsy ampy ty hoe mitiaro safà vaovao maromaro lafa iha mianatsy fivolana vaovao. Mila mianatsy fomba fihevitsy vaovao koa iha. Manahaky ani-zay avao koa fa lafa tsika mianatsy ty safà malio, zany hoe ty fahamarina, le miova ty toe-tsaintsika. (Ro 12:2) Ezaky mitohy manampy ty vahoaki-Ndranahary hiharo raiky raha zay.—1Ko 1:10.