TY FIAINANTSIKA KRISTIANA

Mahasoa Anao va ty Bokikely Fandinihana ny Soratra Masina Isan’andro?

Iha va mamaky Fandinihana ny Soratra Masina Isan’andro? Laha tsy mpamaky iha, azonao atao fahazara va ty mamaky azy sanandro? Maro ty mandiniky azy amy maraindray iny soa rozy ho afaky hametsivetsy ani-hevitsy ao rey zisiky hariva. (Js 1:8; Sl 119:97) Ka ino ty hanampy anao handramby soa baka amy andinin-teny ho ani-andro rey? Vakio amy Baiboly ao ty andinin-teny manodidy soa ho azonao soa ty raha niseho. Mieritsereta tantara amy Baiboly ao manampy anao hahazo ty torolala teany horesahy. Bakeo oriho amy fiainanao amy zay raha iny. Lafa mampiasa ty Safà-Ndranahary iha saky manapa-kevitsy, le hitariky anao ie sady hahasoa anao.—Sl 119:105.

Amy sakafo maray iny ty fianakaviani-Betela iaby ro manao ty ahin-drozy. Tato ho ato ty sisany amy raha rey nalefa amy Tele JW ao, amy hoe RAHA NISEHO. Nombia iha nanenty farany? Mety ho raha tena ilànao mihintsy ro resahiny ao. Ino, ohatsy, ty mety ho vokatsini-tantarani-Lota amy fanapahan-kevitsinao?

HENTEO TY VIDEO HOE KA TEA ANI-ZAO TONTOLO ZAO (1JN 2:15), BAKEO VALEO FANONTANEA RETOA:

Nalà baka aia foto-kevitsini-Fotoam-pivavaha Maray io?
Manino tantarani-Lota iny ro mampiseho hoe mikai-doza ty fitiava ani-zao tontolo zao noho ty raha aminy eo? —Ge 13:12; 14:12; 19:3, 12, 13, 24-26
Akory ty hampisehoantsika hoe Jehovah ro teantsika fa tsy zao tontolo zao na ty raha aminy eo?

Sary vitsivitsy mampiseho rahalahy raiky mametsivetsy ty raha nivakiny tamy Fandinihina ny Soratra Masina Isan’andro amy andro iny. 1. Mamaky ie sady alàny sary an’eritseritsy hoe rey anjely rey manday an-tana an-dry Lota moroanaky milay ani-Sodoma. 2. Mihina midy am-piasany any ie, le mbo mametsivetsy ani-raha nivakiny nimarain’iny avao. 3. Hariva ty andro le mampikopiky siky an-tranony ao ie, fe mbo mametsivetsy ani-raha nivakiny nimarain’iny avao. — Ino ty azoko atao anaty andro raiky mba hampisehoako hoe teako ty safàni-Jehovah?