Numera

7 Ua oo i le aso ua uma ona faatūina ai e Mose le faleʻie paia,+ ona ia faauuina+ ma faapaiaina ai lea, atoa ma mea uma o le faleʻie paia, o le fata faitaulaga ma mea uma e faaaogā ai. Ua ia faauuina ma faapaiaina ia mea.+ 2 Ona faia lea o se foaʻi+ e taʻitaʻi o Isaraelu,+ o ulu o aiga o o latou tamā, o i latou o taʻitaʻi o ituaiga ma o ē ua vaavaaia ē ua lesitalaina, 3 ua latou aumai a latou foaʻi iā Ieova, e ono taavale toso ua fai ufiufi ma povi e sefulu lua, o le taavale toso mo taʻitaʻi e toʻalua, e tofu le taʻitaʻi ma le povi poʻa e tasi; ua latou aumaia ia povi i luma o le faleʻie paia. 4 Ona fetalai mai lea o Ieova iā Mose: 5 “Ia e talia na mea mai iā i latou, auā e faaaogā i le faia o le auaunaga i le faleʻie o le feiloaʻiga, ma ia e avatu i le ʻau sa Levī, e taʻitasi e tusa ai ma lana galuega.”

6 Ona talia lea e Mose o taavale toso ma povi, ma avatu ia mea i le ʻau sa Levī. 7 Ua ia avatu taavale toso e lua ma povi e fā i atalii o Keresona e tusa ma a latou galuega,+ 8 ua ia avatu foʻi taavale toso e fā ma povi e valu i atalii o Merari e tusa ma a latou galuega,+ i le taʻitaʻiga a Itamaro le atalii o Arona le ositaulaga.+ 9 Ae ua leai ni mea ua avatu e ia i atalii o Koato, auā ua latou tauaveina mea e faaaogā i le mea paia,+ ma ua latou faia faapea i le amoina i o latou tauʻau.+

10 Ua aumaia e taʻitaʻi la latou foaʻi i le faapaiaina+ o le fata faitaulaga i le aso ua faauuina ai, ona avatu lea e taʻitaʻi o la latou foaʻi i luma o le fata faitaulaga. 11 Ua fetalai mai Ieova iā Mose: “O le aso ma le taʻitaʻi, o le auala lenā e latou te faia ai a latou foaʻi mo le faapaiaga o le fata faitaulaga.”+

12 O lē ua avatu lana foaʻi i le aso muamua, o Naasona+ o le atalii o Aminatapu o le ituaiga o Iuta. 13 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 14 e tasi le ipu tī auro e sefulu sekeli, ua tumu i mea manogi e mū;+ 15 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 16 e tasi le tamaʻi ʻoti e fai ai le taulaga o agasala;+ 17 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Naasona o le atalii o Aminatapu.+

18 O le aso lona lua ua avatu ai e Netanielu+ o le atalii o Suaro le taʻitaʻi o Isakara lana foaʻi. 19 Ua ia avatu lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 20 e tasi le ipu tī auro e sefulu sekeli, ua tumu i mea manogi e mū; 21 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 22 e tasi le tamaʻi ʻoti e fai ai le taulaga o agasala;+ 23 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Netanielu o le atalii o Suaro.

24 O le aso lona tolu o le aso o le taʻitaʻi o atalii o Sepulona, o Eliapo+ o le atalii o Horona. 25 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai; 26 e tasi le ipu tī auro e sefulu sekeli, ua tumu i mea manogi e mū; 27 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 28 e tasi le tamaʻi ʻoti e fai ai le taulaga o agasala;+ 29 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Eliapo o le atalii o Horona.+

30 O le aso lona fā o le aso o le taʻitaʻi mo atalii o Reupena o Elisura+ o le atalii o Seturo. 31 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 32 e tasi le ipu tī auro e sefulu sekeli, ua tumu i mea manogi e mū; 33 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 34 e tasi le tamaʻi ʻoti e fai ai le taulaga o agasala;+ 35 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Elisura o le atalii o Seturo.+

36 O le aso lona lima o le aso o le taʻitaʻi o atalii o Simeona, o Selumielu+ o le atalii o Surisatai. 37 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 38 e tasi le ipu tī auro e sefulu sekeli, ua tumu i mea manogi e mū; 39 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 40 e tasi le tamaʻi ʻoti e fai ai le taulaga o agasala;+ 41 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Selumielu o le atalii o Surisatai.+

42 O le aso lona ono o le aso o le taʻitaʻi o atalii o Kato, o Eliasafo+ o le atalii o Tuelu. 43 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 44 e tasi le ipu tī auro e sefulu sekeli, ua tumu i mea manogi e mū;+ 45 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 46 e tasi le tamaʻi ʻoti e fai ai le taulaga o agasala;+ 47 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Eliasafo o le atalii o Tuelu.+

48 O le aso lona fitu o le aso mo le taʻitaʻi o atalii o Efaraima, o Elisama+ o le atalii o Ameuta. 49 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 50 e tasi le ipu tī auro e sefulu sekeli, ua tumu i mea manogi e mū; 51 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 52 e tasi le tamaʻi ʻoti e fai ai le taulaga o agasala;+ 53 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Elisama o le atalii o Ameuta.+

54 O le aso lona valu o le aso o le taʻitaʻi o atalii o Manase, o Kamalielu+ o le atalii o Petasura. 55 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 56 e tasi le ipu tī auro e sefulu sekeli, ua tumu i mea manogi e mū;+ 57 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 58 e tasi le tamaʻi ʻoti e fai ai le taulaga o agasala;+ 59 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Kamalielu o le atalii o Petasura.+

60 O le aso lona iva o le aso o le taʻitaʻi+ o atalii o Peniamina, o Apitano+ o le atalii o Kitione. 61 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 62 e tasi le ipu tī auro e sefulu sekeli, ua tumu i mea manogi e mū; 63 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 64 e tasi le tamaʻi ʻoti e fai ai le taulaga o agasala;+ 65 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Apitano o le atalii o Kitione.+

66 O le aso lona sefulu o le aso o le taʻitaʻi o atalii o Tanu, o Aisera+ o le atalii o Amisatai. 67 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 68 e tasi le ipu tī auro e sefulu sekeli, ua tumu i mea manogi e mū; 69 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 70 e tasi le tamaʻi ʻoti e fai ai le taulaga o agasala;+ 71 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Aisera o le atalii o Amisatai.+

72 O le aso lona sefulu tasi o le aso o le taʻitaʻi o atalii o Asera, o Pagielu+ o le atalii o Okirano. 73 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 74 e tasi le ipu tī auro e sefulu sekeli, ua tumu i mea manogi e mū;+ 75 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 76 e tasi le tamaʻi ʻoti e fai ai le taulaga o agasala;+ 77 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Pagielu o le atalii o Okirano.+

78 O le aso lona sefulu lua o le aso o le taʻitaʻi o atalii o Nafatali, o Akira+ o le atalii o Enano. 79 O lana foaʻi o le ipu mafolafola siliva e tasi, o le mamafa e selau tolu sefulu sekeli, o le ipu faaofuofu siliva e tasi e fitu sefulu sekeli e tusa ma le fua masani o le mea paia, ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 80 e tasi le ipu tī auro e sefulu sekeli, ua tumu i mea manogi e mū;+ 81 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga, e fai ai le taulaga mū;+ 82 e tasi le tamaʻi ʻoti e fai ai le taulaga o agasala;+ 83 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Akira o le atalii o Enano.+

84 O le foaʻi lenei mo le faapaiaga+ o le fata faitaulaga i le aso ua faauuina ai, lea ua faia e taʻitaʻi+ o Isaraelu: e sefulu lua ipu mafolafola siliva, e sefulu lua ipu faaofuofu siliva,+ e sefulu lua ipu tī auro; 85 e selau tolu sefulu sekeli le mamafa o ipu siliva mafolafola taʻitasi, ma e fitu sefulu sekeli le mamafa o ipu faaofuofu taʻitasi, o siliva o ipu uma e lua afe fā selau sekeli e tusa ma le fua masani o le mea paia:+ 86 o ipu tī auro+ e sefulu lua ua tutumu i mea manogi e mū, e sefulu sekeli le mamafa o ipu tī taʻitasi e tusa ma le fua masani o le mea paia, o auro uma o ipu tī e selau lua sefulu sekeli; 87 o povi uma mo le taulaga mū+ e sefulu lua povi poʻa, e sefulu lua tamaʻi mamoe poʻa, e sefulu lua tamaʻi mamoe poʻa e taʻitasi tausaga, ma taulaga i meaʻai,+ ma tamaʻi ʻoti e sefulu lua e fai ai le taulaga o agasala;+ 88 ma e lua sefulu fā povi poʻa, e ono sefulu mamoe poʻa, e ono sefulu ʻoti poʻa ma tamaʻi mamoe poʻa e ono sefulu e taʻitasi tausaga, o manu ia e fai ai le taulaga faifaatasi.+ O le foaʻi lenei mo le faapaiaga+ o le fata faitaulaga ina ua uma ona faauuina.+

89 O so o se taimi e ulufale atu ai Mose i le faleʻie o le feiloaʻiga e talanoa ma ia,+ ona ia faalogo lea i le siʻufofoga ua fetalai mai iā te ia mai i luga o le ufiufi+ ua i luga o le atolaau o le feagaiga, mai i le va o kerupi+ e lua; ona ia fetalai mai lea iā te ia.