19 “Ia e faapaiaina iā Ieova lou Atua o tama ulumatua uma o lau lafu povi ma lau lafu mamoe.+ Aua e te faia se galuega i ulumatua o lau lafu povi,* pe sele fulufulu a ulumatua o lau lafu mamoe.

21 Ae afai e iai se faalētonu i le manu, e pipili pe tauaso, po o so o se mea leaga lava, aua e te faia ai le taulaga iā Ieova lou Atua.+

14 “E malaia o lē e taufaaʻoleʻole e iai i lana lafu se manu poʻa e matuā lelei, ae ua ia faia se tautoga ma faia se taulaga iā Ieova i se manu ua leaga. Auā o aʻu o le Tupu silisili,+ ma o lo‘u igoa o le a matata‘u ai atunuu,”+ ua fetalai mai ai Ieova o ʻau.