8 Ua toe fetalai mai Ieova iā Arona: “Ou te avatu iā te oe le pule i foaʻi ua faia iā te aʻu.+ Ua ou avatu iā te oe ma ou atalii e fai ma a outou tufaaga o mea paia uma ua foa‘i e le fanauga a Isaraelu, e fai ma au vaega tumau.+

19 O foaʻi paia uma ia o le a avatu e le fanauga a Isaraelu iā Ieova,+ ou te tuuina atu mo oe ma ou atalii ma ou afafine faatasi ma oe, o se tufaaga tumau.+ O le feagaiga tumau o le masima* i luma o Ieova, mo oe ma lau fanau faatasi ma oe.”