20 “O so o se tasi e fai taulaga i se isi atua, e tatau ona faaumatia o ia,+ auā e na o Ieova e ao ona fai taulaga i ai.

25 Ua iloa e Mose ua vaogatā tagata, ona ua tuufau i latou e Arona, ma ua faia ma mea e faalumaina ai i latou i luma o o latou fili.

27 Ua ia fai atu iā i latou: “O le mea lenei ua fetalai mai ai Ieova le Atua o Isaraelu, ‘Ia taʻitasi ma sulu lana pelu, ma ui atu i le togālauapi atoa mai i lea faitotoʻa i lea faitotoʻa, ia fasioti i lona uso, i lona tuaoi, ma lana uō mamae.’”+

6 “Afai e faaoso faalilolilo oe e lou uso, o le tama tama a lou tinā, po o lou atalii, po o lou afafine, po o lau avā faapelepele, po o lau uō mamae, ma faapea mai, ‘Seʻi o tatou ō ia ma auauna i isi atua,’+ o atua e te le‘i iloa, o oe ma ou augātamā, 7 o atua o nuu o loo siʻomia ai outou, e tusa pe latalata iā te oe, po o i latou e mamao mai iā te oe, e mai i le isi pito o le laueleele e oo i le isi pito, 8 aua e te lolo atu i lona manaʻo pe faalogo atu iā te ia,+ aua foʻi e te alofa mutimutivale iā te ia pe puipuia o ia; 9 ae ia e fasiotia lava o ia.+ Ia muamua ona oo lou lima iā te ia e fasioti iā te ia, mulimuli ane ona oo lea o lima o le nuu uma iā te ia.+