Lomiga Faale-Tusi Paia I LE INITANETI

2 Nofoaiga a Tupu 32:21, 22

O le Tusi Paia—O le Faaliliuga a le Lalolagi Fou
- 21 Ona auina mai lea e Ieova o se agelu ma faaumatia tagata totoa uma,+ ma taʻitaʻi uma o le ʻautau a le tupu o Asuria, ma ua toe foʻi atu ai o ia ma le māsiasi i lona nuu. Mulimuli ane, ua ia ulu atu i le fale* o lona atua, ona fasiotia ai lea o ia e nisi o ona atalii i le pelu.+ 22 Ua laveaʻia Esekia ma tagata o nonofo i Ierusalema e Ieova mai i lima o Sanerivi le tupu o Asuria, ma lima o isi tagata uma, ma foaʻi mai iā i latou le mapusaga i itu uma.

Isaia 30:31

O le Tusi Paia—O le Faaliliuga a le Lalolagi Fou
- 31 Ona o le siʻufofoga o Ieova, o le a matuā fefe ai Asuria;+
  E na te taia Asuria i se tootoo.+

Isaia 31:8

O le Tusi Paia—O le Faaliliuga a le Lalolagi Fou
- 8 E oti le Asuria i le pelu, e lē o se pelu a le tagata;
  Ma o le a faaumatia o ia i se pelu, ae e lē o se pelu a se tagata.+
  
  E sola o ia ona o le pelu
  Ma o le a faatigāina ona tauleleʻa i galuega mamafa.

Isaia 37:36, 37

O le Tusi Paia—O le Faaliliuga a le Lalolagi Fou
- 36 Ona alu atu lea o le agelu a Ieova, ma fasiotia le toʻa 185,000 o le ʻautau a Asuria. Ina ua feala aʻe tagata i le taeaopō, ona latou vaaia ai lea o tino oti uma.+ 37 Ona alu ese ai lea o Sanerivi le tupu o Asuria, ua toe foʻi atu ma nofo i Nineva.+