11 Ae ua alofa le tupu o Solomona i le toʻatele o fafine mai i nuu ese,+ e ese mai i le afafine o Farao:+ o fafine mai i Moapi,+ Amoni,+ Etoma, Saitonu,+ ma fafine sa Hetī.+ 2 O i latou nei na ō mai mai i nuu ia na fetalai ai Ieova i le fanauga a Isaraelu: “Aua tou te ō atu iā i latou,* aua foʻi neʻi o latou ō mai iā te outou; auā e mautinoa o le a latou faaliliuina o outou loto, ina ia mulimuli atu i o latou atua.”+ Ae ua matuā māfana ma alofa Solomona iā i latou. 3 Ua iā te ia o avā e toʻa 700 o ni purinisese, ma palake e toʻa 300; ua faasolosolo mālie foʻi ona faaliliuina lona loto e ana avā.*