• Tanielu 4:6, 7
    O le Tusi Paia—O le Faaliliuga a le Lalolagi Fou

    • 6 Ona ou avatu lea o se faatonuga ina ia aami mai i oʻu luma o tagata atamamai uma o Papelonia, ina ia latou faamatala mai iā te aʻu le uiga o le miti.+

      7 “Ona ō mai ai lea o ositaulaga e faia faiga faaagaga, o ē e valaau i ē ua oti, o le ʻau Kaletaia,* ma ē e saʻiliʻili i fetu.+ Ina ua ou faailoa atu iā i latou le miti, e leʻi mafai ona latou faamatalaina mai iā te aʻu le uiga.+

  • Tanielu 5:7, 8
    O le Tusi Paia—O le Faaliliuga a le Lalolagi Fou

    • 7 Ua valaau leotele atu le tupu e aami mai o ē e valaau i ē ua oti, o le ʻau Kaletaia,* ma ē e saʻiliʻili i fetu.+ Ua faapea atu le tupu i tagata atamamai o Papelonia: “O so o se tasi e na te faitauina lea tusitusiga ma faamatala mai iā te aʻu lona uiga, o le a faaofu o ia i le ofu violē, e asoa o ia i le filifili auro,+ ma e avea o ia ma pule lona tolu i le malo.”+

      8 Ona ō mai ai lea o tagata atamamai uma a le tupu, ae e leʻi mafai ona latou faitauina le tusitusiga pe faamatala atu le uiga i le tupu.+