34 A o e silasila atu pea i le faatagata, na e silafia se maa ua tofia, ae e leʻi tofia i ni lima, ma ua taia ai le faatagata i ona vae uʻamea ma le omea ma nutililii ai.+ 35 I lea taimi, ua nutililii faatasi ai le uʻamea, o le omea, o le ʻapamemea, o le siliva ma le auro, ma ua pei o vao mamago i le mea e soli ai saito i le tau vevela, ma ua lelea i le matagi ma ua leai ma se mea ua totoe. Ae o le maa na taia ai le faatagata, ua avea ma mauga telē ma ua tumu ai le lalolagi atoa.