“O Laʻu Asiasiga i le Maota o le Malo”

Na tofia Lauina,a o se tagata aʻoga o se kolisi ina ia auai i se sauniga faalelotu ma tusia se lipoti e faatatau i mea na te mātauina mai ai. Na filifili e ia Molimau a Ieova, ma sa ia faaulutalaina ai lana tala e faapea, “O Laʻu Asiasiga i le Maota o le Malo.” O ā mea na mātauina e Lauina e ese ai Molimau a Ieova? I mea e tele na ia mātauina na ia taʻua nisi nei o mea o loo mulimuli mai.

Fanau: “Sa iai fanau uma lava i le potu e tasi faatasi ma tagata matutua. I lotu uma lava na ou auai ai, e tuua ai e fanau o latou mātua ae auai atu i le Aʻoga Aso Sa.”

Autasi i le va o ituaiga: “E masani lava, e tosina mai e lotu tagata o se ituaiga patino o tagata po o se vaega o se ituaiga o tagata. . . . Peitaʻi, na nofoi faatasi uma Molimau a Ieova ae lē i ni vaega patino.”

Se agaga o le talia lelei mai: “E toʻatele tagata na ō mai ma talanoa mai ia te aʻu. . . . O nisi na oo lava ina fesili mai ia te aʻu pe o ma suʻesuʻe ma se tasi i le Tusi Paia. Peitaʻi, sa ou lagona latou te lē o taumafai e faatauanauina aʻu. Na latou . . . tuu mai ou te filifili aʻu lava ia.”

E lē aoina ni taulaga: “O le mea moni e tasi na sili ona faateʻia ai aʻu o le leai o se tasi na faia sana taulaga mo le lotu. . . . O lotu ia na ou auai ai e oo lava i vasega a tamaiti e aoina ai foʻi taulaga.”

E toetoe lava 90,000 faapotopotoga o Molimau a Ieova i le lalolagi aoao. Aiseā e te lē asiasi atu ai i se faapotopotoga o loo e taulata ane i ai?

[Faaopoopoga i lalo]