Alofa Faa-Kerisiano—Sili Atu na i lo Upu

INA ua faatamaʻia e le afi le fale o le ʻauaiga o Patolomaio i Trinidad, na leai ma se mea e tasi a si aiga na totoe mai seʻi vaganā o latou ola. Sa mafai e se tasi o o latou tauaiga e nofo latalata ane ona ia aveina i latou ma faanonofo i lona fale, peitaʻi sa leʻi faaiʻuina ai iinā le tala.

O Olive Patolomaio o se tasi o Molimau a Ieova, ma sa amata e uso ma tuafāfine o lana faapotopotoga—faapea foʻi i latou mai vaipanoa latalata ane—ona faia ni a latou foaʻi mo le toe fausiaina o le fale o lo latou aiga lea ua mu. Sa faatulaga se komiti e vaavaaia le galuega, ma amata loa ona toe fau le fale. E tusa ma le toʻa 20 Molimau, faatasi ai ma nisi o tuaoi, sa auai i le galuega. E oo lava i nai talavou sa faia so latou sao, ae saunia ane e isi o ē na iai foʻi ni faamalositino māmā.

“Sa matuā maofa lava loʻu aiga,” o le faamatalaga lea a Olive, e pei ona lipotia ai i le nusipepa a Trinidad o le Sunday Guardian. “E lē Molimau a Ieova loʻu aiga, ma e oo mai lava i le taimi nei, e matuā lē talitonu lava laʻu tane i le mea o loo ia vaaia.”

I se aotelega o le galuega, na faamamafa ai e lē na faatonutonuina le galuega e faapea, o gaoioiga faapena o ni faailoga moni ia e mātaulia ai le Faa-Kerisiano moni. Fai mai a ia: “E lē na ona matou ō atu mai lea fale i lea fale ma talanoa atu e uiga i le alofa. O loo matou taumafai e faatino mea o loo matou talaʻia.”—Ioane 13:34, 35.

[Ata i le itulau 32]

Olive Patolomaio ma lana tane