O le Alofa Silisili

O LE upu “alofa” i le Feagaiga Fou po o Tusitusiga Paia Eleni faa-Kerisiano, e tele ina faaliliuina mai le upu Eleni o le a·gaʹpe.

O loo faamatala e le tusi Insight on the Scripturesa le uiga o lenā upu e faapea: “O le [a·gaʹpe] e lē na o se lagona e faavae aʻe i faiā ma isi lea e ese mai i le alofa e masani ai tagata, ae o se uiga e faavae aʻe i mataupu silisili, o se tiute tauave ma e saʻili e fai le mea e lelei mo isi e tusa ai ma le mea saʻo. E mafai ona foʻia e lea uiga o le a·gaʹpe (alofa) le feitagaʻi i le va o tagata, ma e lē faatagaina faalogona na e taofia ai le faatinoina o mataupu silisili saʻo ma e lē tauimasui.”

O le a·gaʹpe e mafai ona aofia ai foʻi ma lagona loloto. Na timaʻi mai le aposetolo o Peteru e “maua e outou o le alofa naunau [a·gaʹpe] o le tasi i le tasi.” (1 Peteru 4:8) O lea la, e mafai ona faapea atu o le a·gaʹpe e aofia ai le loto ma le mafaufau. E lelei pe a tōmanatu i nisi o mau e faaalia ai le malosi ma le loloto o lenei alofa silisili. O nisi nei o mau aogā: Mataio 5:43-47; Ioane 15:12, 13; Roma 13:8-10; Efeso 5:2, 25, 28; 1 Ioane 3:15-18; 4:16-21.

[Faamatalaga pito i lalo]