Lomiga Fou e Suesue i Suesuega a Vaega
1 Na tatou matuā fiafia lava e faalogo i le faasilasilaga i le lauga faaiʻu o la tatou Tauaofiaga Itumalo “O Ē Faasusulu Atu le Malamalama” e faapea, e amata atu i le lomiga o Ianuari 1, 1993 ona lomia Le Olomatamata faa-Samoa ina ia tutusa ma mataupu o le mekasini faa-Peretania, ma o le a lomia foi i lanu uma e fa.
2 O le a lomia foi se polosiua i le gagana Samoa ua iai mataupu uma o suesuega o le a misia mai mekasini faa-Peretania (o Aokuso 15, 1992 e oo ia Tesema 1, 1992). O lea, ina ia suesueina na mataupu faaopoopo ma ina ia ōgatasi ma le faasologa o le suesuega i le faa-Peretania, o le a tolopō ai la tatou suesuega o le tusi Ola e Faavavau, e amata atu ia Fepuari 22, 1993. O uluai mataupu e tatau ona suesueina, o le a maua i mekasini faa-Samoa o Novema 15, 1992 ma Tesema 1, 1992, ona sosoo ai lea ma le polosiua.