Faasilasilaga

◼ Lomiga e ofo mo Tesema: Laʻu Tusi o Tala o Le Tusi Paia po o le The Greatest Man Who Ever Lived mo tagata e tautatala faa-Peretania. Ianuari: So o se tusi e 192 itulau ua amata ona eena ona pepa ma matafi lanu pe na lomia foi i tua atu o le 1980. O faapotopotoga latou te lē o mauaina na tusi e mafai ona latou ofoina atu le tusi Faia o Lou Olaga Faaleaiga ia Fiafia. Fepuari: E Mafai ona E Ola e Faavavau i Parataiso i Le Lalolagi. MĀTAU: O faapotopotoga o le a latou manaomia lomiga ua taʻua i luga mo a latou tauiviga, e ao ona talosagaina nei tusi i le isi a latou pepa faatumu faalemasina o sosoo mai, le Literature Request Form (S(d)-14). O lomiga tuai o loo taʻua i luga, e lē o maua i le lālā i Samoa i Sisifo, peitai e ao i faapotopotoga ona ofo tusi o loo iai i a latou potu tusi.

◼ E ao i le ovasia taitai po o se tasi na te tofia, ona sueina faamaumauga o tupe a le faapotopotoga ia Tesema 1 po o se vave e mafai ai. Ia faasilasila atu i le faapotopotoga pe a uma ona faia.

◼ O le a faia le Faamanatuga mo le 1995 i le Aso Faraile, Aperila 14, pe a mavae le goto o le la. Ua vave faasilasila atu le aso mo le Faamanatuga o le 1995, ina ia mafai ai e uso ona faatonu pe faafesootai ni fale tetele pe afai e tele faapotopotoga o loo latou faaaogāina le Maota o le Malo ma e ao ai ona latou sailia nisi nofoaga.

◼ E ao i faapotopotoga ona amata faatalosaga mai tuufaatasiga o le Watchtower ma le Awake! mo le 1993 i a latou pepa talosaga mo lomiga o Tesema. (Tagai i le Watchtower Publications List, palakalafa 6-8, 10.) O le a maua tuufaatasiga i le gagana Dutch, Eleni, Falani, Iapani, Italia, Korea, Peretania, Polani, Potukale, Rusia, Sepania, ma le Siamani. Seʻi vagana ua maua nei tusi ma ua saunia mo le tuuina atu i le meli, ona faatoʻā taulimaina lea o talosaga. O tuufaatasiga o ni lomiga e talosagaina faapitoa. (Tagai i le Watchtower Publications List, palakalafa 24 ma le 25.)