Le Tusi Paia—Le Tusi e Aupito Leva ua Iai a Tagata
1 O le Tusi Paia o le tusi lea ua sili atu lona faasalalauina i le talafaasolopito atoa. E leai se isi tusi e sili atu le tele o gagana ua faaliliuina i ai. E lē gata i lea, e leai se isi vaega o tagata e maelega e pei o Molimau a Ieova i le tufatufaina o le Tusi Paia ma tauaaoina atu i le lautele lenei tusi o le Afioga a le Atua.
2 Talu ai ona o le Afioga lea a le Atua, ua mafai ai ona tatou mautinoa lona aumaia o tali e aogā moni i faafitauli i aso nei. Ma ua saunia ai e le faalapotopotoga a Ieova fesoasoani talafeagai e maua ai na tali i lomiga faapea foi i ata vitiō. O lea ua matou olioli ai e faasilasila atu e faapea, o le faaliliuga faa-Peretania o le The Bible—Mankind’s Oldest Modern Book (Le Tusi Paia—Le Tusi e Aupito Leva ua Iai a Tagata), i le lipine lona lua o ata vitiō e tolu o loo faaalia ai le faagaeeina o le Tusi Paia, ua mafai nei ona ota mai i lau faapotopotoga. E 40 minute le umi o le lipine.
3 E pei lava o le ata muamua i lenei faasologa, ua atiina aʻe ai foi e lenei ata lona lua le mautinoa i le Tusi Paia o se taiala mai le Atua. Na te faaaogā ata na tapue mai i nuu o le Tusi Paia ma i falemataaga i le lalolagi atoa e fesoasoani ai ia i tatou ia tatou iloa le auala na faasaoina ai e Ieova le Atua le Tusi Paia mai lava i senituri anamua seia oo mai i o tatou aso. O le a e iloa ai foi le auala na faatumauina ai le saʻo o le Tusi Paia e ui lava i le tele o kopi ma faaliliuga sa faia. O le a e iloa ai le auala na faasaoina mai ai lenei tusi mai le Atua e ui i teteega malolosi faasaga i le tufatufaina atu. O le a e iloa ai foi faamaoniga ola o le auala na suia ai e le Tusi Paia olaga o tagata i se olaga e sili atu ona lelei.
4 O le a matuā aogā lenei ata vitiō mo ni talanoaga faale-Tusi Paia a le aiga ma le tele foi o isi fuafuaga e masani ai—e pei lava o le ata muamua. Matou te mautinoa o le a faamanuiaina e Ieova lona faaaogāina. O i latou e leʻi otaina lava lenei ata, e mafai ona faia loa i se taimi vave e ala atu i le matagaluega o tusi i le faapotopotoga. O loo maua foi ata vitiō o le The Bible—Accurate History, Reliable Prophecy ma le Jehovah’s Witnesses—The Organization Behind the Name.