Faasilasilaga
◼ Lomiga e ofo mo Ianuari: “Ia Oo Mai Lou Malo” ma le tamaʻitusi “Lenei Tala Lelei o le Malo,” po o ni tusi po o tamaʻitusi tuai o loo maua i le faapotopotoga. Fepuari: Fesili ua Fesili Mai ai Talavou—Tali e Aogā. Mati: Le Poto e Taʻitaʻia ai i le Ola e Faavavau. Aperila ma Me: O mekasini o Le Olomatamata ma le Ala Mai! A faaalia le fiafia i toe asiga e mafai ona ofo i ai tusiga. Iuni: Le Poto e Taʻitaʻia ai i le Ola e Faavavau ma le O le ā e Manaomia e le Atua Mai ia i Tatou?
◼ O tagata talaʻi papatiso uma e auai i le Sauniga o le Auaunaga i le vaiaso o Ianuari 14, e mafai ona maua le pepa Faatonuga/Tuusaunoaina Faafomaʻi ua Muaʻi Saunia ma le Identity Card mo a latou fanau laiti.
◼ E amata atu iā Fepuari ma e lē silia ma Mati 3, le lauga lautele fou mo ovasia matagaluega lona matua, “Mauaina le Saogalemu i Totonu o se Lalolagi Mataʻutia.”
◼ E pei ona faasilasila mai i la tatou tauaofiaga itumalo na seʻi mavae atu nei, o le tusi fou, Benefit From Theocratic Ministry School Education o le a maua i le amataga lava o le 2002. E amata atu iā Ianuari 1, 2002, e mafai ona auina mai ni talosaga e ala mai i faapotopotoga, mo lenei tusi faa-Peretania. O le a faasilasila atu pe afai e maua lenei tusi i isi gagana, ma mafai ai ona talosagaina mai.
◼ E fautuaina tagata talaʻi ina ia mātau, o numera o palakalafa mo le polosiua “O Tusi Paia Uma Lava—E Moni Aʻiaʻi ma Aogā” (bsi02-SM) e tutusa lelei ma le tusi “All Scripture Is Inspired of God and Beneficial” (si).
◼ E tatau i faapotopotoga ona faia fuafuaga mo le faamanatuina o le Faamanatuga i lenei tausaga, i le Aso Tofi, Mati 28, pe a goto le lā. E ui atonu e vave ona amata le lauga, ae o le tufatufaina atu o le areto ma le uaina e lē tatau ona faia seʻia oo ina goto le lā. Fesili i le ofisa o le tau i lo outou vaipanoa e iloa ai le taimi e goto ai le lā. E ui ina lelei mo faapotopotoga taʻitasi ona faia la latou lava Faamanatuga, ae atonu o le a lē mafai i taimi uma ona faia lenei mea. I nofoaga e masani ona faaaogā ai e ni faapotopotoga e sili atu i le tasi le Maota o le Malo e tasi, atonu e mafai e se faapotopotoga se tasi pe sili atu foʻi ona maua se isi fale mo lenā pō. Pe afai e mafai, e matou te fautuaina atu se taimi e lē itiiti ifo i le 40 minute i le va o polokalame ina ia mafai ona maua e tagata uma aogā atoatoa mai le sauniga, ma maua ai le taimi e faafeiloaʻia ai tagata asiasi mai ma faalaeiauina tagata fou lotofiafia. E tatau foʻi ona faaalia le magafagafa e faatatau i femalagaaʻiga ma mea e paka ai taavale, e aofia ai le aveina atu ma le aumaia o pasese. O le ʻautoeaina e tatau ona faia le filifiliga po o ā faatulagaga o le a sili ona lelei mo le faapotopotoga.
◼ Pe a maua e le ovasia taʻimua le pepa o loo faamaumau ai meaalofa tauofo faapea le aotelega o le ota mo masina taʻitasi, e tatau ona ia faamautinoa, i le isi lipoti o le tupe o sosoo mai, o le a faitau atu ai i le faapotopotoga faafetai uma na tuuina mai, ona o foaʻi tauofo mo le Faaputugatupe a le Sosaiete mo Maota o le Malo, faapea le galuega i le lalolagi aoao.
◼ O le lomiga o le Ala Mai! i le gagana Saina ma le gagana Saina Faafaigofie ua suia nei mai le faalua i le masina i le faatasi i le masina ona maua.
◼ O le lomiga o le Ala Mai! i le gagana Cibemba ua suia nei mai le faatasi i le masina i le na o le faafā i le tausaga ona maua.
◼ O le lomiga o Le Olomatamata i le gagana Armenia ua suia nei mai le faalua i le masina i le faatasi i le masina ona maua.
◼ E amata mai i lomiga o Ianuari 1 ma le 8, i le 2002, o le a maua ai Le Olomatamata (faalua i le masina) ma le Ala Mai! (faatasi i le masina) i le gagana Papiamento (Curaçao) ma le Papiamento (Aruba).
◼ E amata mai i le lomiga o Ianuari 2002, o le a maua ai Le Olomatamata i le gagana Mauritius Creole e faatasi i le masina.
◼ E amata mai i le lomiga o Ianuari 1, 2002, o le a maua ai Le Olomatamata e tusia i mataʻitusi matamata tetele i le gagana Croatia ma le gagana Nouē.
◼ O le lomiga o le Ala Mai! i le gagana Zulu, ua suia nei mai le faalua i le masina i le faatasi i le masina ona maua.
◼ Lomiga Fou ua Maua i Ausetalia:
Benefit From Theocratic Ministry School Education—Faa-Peretania
Iloiloina o le Tusi Paia i Aso Taʻitasi 2002—Faa-Pidgin a le Atu Solomona
◼ Lomiga ua Toe Maua i Ausetalia:
Tuufaatasiga o le Awake! 2000—Faa-Peretania
◼ Kaseti Puʻeleo ua Toe Maua i Ausetalia:
Psalms—Faa-Peretania