‘Tuu Ane ni Mea’

I le uluaʻi faapotopotoga Kerisiano, na iai ni manaʻoga faaletino na manaʻomia ona uaʻi atu i ai. A o lelei le tulaga faaletino o tagata taʻitoʻatasi, na uunaʻia i latou ina ia ‘tuu ane ni mea’ e faatauofo atu ina ia tausia ai na manaʻoga. (1 Kori. 16:1-3) O le iʻuga o lo latou lima foaʻi, na olioli ai tagata uma e tuuina atu “le viiga i le Atua i le tele o le faafetai.”—2 Kori. 9:11, 12.

I aso nei ua faateleina ai pea le galuega a tagata o Ieova i le lalolagi aoao, ma ua manaʻomia ai se faatelega o le lagolagosua tau tupe sa leʻi iai muamua. Ua talafeagai ai foʻi la mo i tatou ona lē aunoa ona ‘tuu ane ni mea’ ina ia fesoasoani e tausia ai lea manaʻoga. (2 Kori. 8:3, 4) E mafai ona faia foaʻi faaletino i ni auala eseese. (Tagaʻi i Le Olomatamata o Novema 1, 2001, itulau e 28-29.) E tatou te vaai i ai ma le tonu o se faaeaga e aumaia ai se fiafiaga moni.—Galu. 20:35.